我已服用yaz 避孕藥3-4年，每天都準時服用。每月來月經的時間都大致穩定，通常都是食最後一粒白色藥丸或遲一天。
9月份的時候，雖然感冒發燒吃了抗生素，但月經也正常有來。但由於我病毒未清，不停流黃色鼻水，所以醫生又前後處方多了十幾天的抗生素，吃完後，10月份的月經一直沒有來。
期間我一直有食避孕藥及驗孕，結果都是陰性。
這幾天應該就是11月份的青經，但暫時未見有。
有些擔心自己會不會是懷孕了但驗唔到，因為有人說抗生素/避孕藥會影響驗孕結果。還是我身體問題影響月經呢？
Hello你好啊
明白月經遲嚟令人會好擔心
首先想了解下依段時間有無發生性行為？如果喺性行為嘅11日後驗孕，結果已經好準確咖！驗孕棒係透過檢測尿液中嘅hCG (人絨毛膜促性腺激素)含量，呢款激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。
見到你都已經食咗避孕藥3-4年，其實避孕藥係身體已經建立一定避孕功效咖喇。的確有一啲嘅抗生素係會影響避孕藥嘅功效嘅，但並唔係每一隻抗生素都一定唔會影響到避孕藥嘅功效嘅，如果想好肯定好清楚嘅話就要問返醫生先知道。
月經週期受好多因素影響嘅，例如生活作息、情緒壓力、服食藥物、體重突然過輕等等，見到都提到之前病咗，有食藥，咁都會影響到月經週期嘅。一般嚟講，如果月經比起預期嚟嘅日期遲3星期或以上，就可以睇醫生，可以俾醫生檢查下身體有無出現一啲狀況，令到月經週期咁唔穩定。