我女朋友本身週期都耐, 起碼30日
咁佢3/11黎完M,
16/11同女朋友sex 咗, check返仲處於安全期, 個app寫中嘅機率20%, 18/11先進入排卵期
但係途中 有一下龜頭feel 到肉到肉掂到陰唇/入口位
我地兩個即刻停, 我慢慢後退望返, 發現個condom就甩, 但甩嘅程度又未完全甩曬, 甩淨個龜頭一半再少DD, 之後再戴返好繼續, 最後我就射嗰陣我都攞返出嚟先射 (仲戴住condom, 係condom入面射), 完事之後女朋友有vv同清洗下面。
我想問下咁樣會唔會意外中咗
Halo，好欣賞你同另一半發生性行為時都有考慮到使用安全套，而中間發生意外就大家都唔想嘅
不過記得以後再有類似情況，最好就換一個新嘅安全套先再繼續性行為。
但就呢個情況，因為都唔能夠確定你甩套嘅情況係如何，所以都唔能夠話無意外懷孕嘅風險。假如你嘅陰莖喺陰道內已經甩晒套，再有分泌物接觸到陰道，咁其實就已經會有懷孕嘅風險。但由於距離今次性行為已經有4日嘅時間，而如果需要服用事後藥，最遲係需要120小時內服用，即係最最最遲都要聽日去相關地方服用。如果你真係好擔心而又想服用事後藥，可以考慮去家計會或者搵家庭醫生睇下仲食唔食到。但記得唔好直接去藥房買藥，因為事後丸係香港係屬於處方藥物嚟，必須經過醫生嘅檢查先可以服用。
萬一最後真係無食到事後藥而又有啲擔心嘅，你都可以喺性行為嘅七日後買驗孕棒驗孕，就會得到初步嘅結果；如果想再準確啲，就可以喺性行為嘅11日後驗印，個結果都非常可信～
最後，如果可以都留意下今次用嘅安全套係未唔適合自己定帶得唔好，先有甩套嘅情況發生如果係咁岩轉咗牌子/款式，都可以留意下會唔會係因為呢款嘅尺寸唔同，先容易甩套，咁就避免下次再用～仲有就係都唔建議計算安全期作為安全措施，因為始終有好多因素影響月經周期，其實排卵嘅日子亦唔係每一個月相同，所以所謂嘅危險期同安全期都唔能夠作準啊～
我哋嘅抽插程度冇去到好入, 我諗最多都只係一個龜頭多少少,
事後我有問返佢我發現甩嗰陣
佢喺咩感覺, 佢同我講就話嗰陣都仲feel到個condom喺度,
冇我所講嘅肉到肉嗰種, 佢就叫我唔使擔心同埋咁驚
係去到真係再入嗰下好似唔對路就停, 攞出嚟嗰陣個condom都仲貼住緊我個龜頭, 甩到個圈位到我龜頭一半再小DD咁
所以condom應該冇係入面甩？自己係驚因為我啲pre cum 會搞到出事
Hello, 睇到你好擔心伴侶有懷孕風險，咁睇返你嘅情況係拎出嚟嘅時候見到個安全套甩咗，如果係拎出期間有精液流出黎嘅話，過程中都有可能接觸到陰部，咁就會有懷孕風險。如果無精液流出咁個懷孕風險比較低嘅，唔需要太擔心。如果你真係好擔心嘅話，可以根據我哋同事所講係性行為嘅7日或11日後進行驗孕，7日後會驗出初步結果，11日或以後驗出黎嘅結果就非常準確，所以如果到時個結果係陰性嘅話，就可以非常確定無懷孕。
甩套係主要令到你擔心嘅原因，咁可能係因為安全套嘅尺寸唔適合。因為唔同國家出產嘅安全套，有機會尺寸唔同。即係話唔同牌子嘅同一個碼數都有機會唔一樣尺寸。而安全套嘅尺寸通常有兩種方法計算嘅：
寬度 (Nominal Width) 【歐美／香港常用】：
- 是安全套擠扁時橫向的長度，數值上是 圓周 (Circumference) 的一半。
- 量度方法係量度充血的陰莖根部的圓周，將圓周除二即等於闊度。
直徑 (Diameter) 【日本牌子常用】：
- 是安全套放平時圓形的直徑，算術上 直徑 x 3.14 = 圓周 。
- 量度方法係量度充血的陰莖根部的圓周，再除以3.14，便是陰莖直徑。
建議你可以先量度陰莖嘅尺寸，再去購買適合嘅安全套，咁就可以減少鬆脫嘅機會。另一方面，其實安全套嘅材質都會影響戴嘅感覺，你可以嘗試下一啲用PU材質製造嘅安全套（例如0.02或0.03厚度嘅安全套），因為相比起乳膠嚟講，PU物料彈性會少啲，戴上去嘅感覺都會貼身啲。而且其實唔同牌子嘅安全套，即使宣稱嘅尺寸係一樣，戴上身嘅感覺都可能有唔同，可以試吓唔同嘅牌子搵吓邊一種適合自己。
嗰陣時話用緊Durex 嘅0.01
經過嗰日之後我都諗住轉返用0.03
答返拎出嚟嗰陣先
嗰陣時仲未射精
亦都唔覺眼有precum 流出嚟
因為我所見係佢仲貼住緊我個龜頭
同埋我都想問下通常精子幾多日之後會死
我見上網話有情況可以多過5日
如果係咁，懷孕風險都可能係比較低，但都唔可以100%確定係冇風險。而精子係可以喺陰道入邊存活2-3日，少數情況係可以存活多過5日嘅。不過而家你哋都已經過咗食事後藥嘅限期，所以如果真係擔心，都會建議好似上面同事所講咁，喺性行為之後11日驗孕，就可以得到非常準確嘅結果，可以肯定有冇懷孕啦。