今日同男朋友互相撫摸對方嘅性器官，佢有著底褲，而我著咗三條褲，而係過程之中我掂到佢底褲上嘅少少分泌物，抹咗係衣物上，基本上係全乾而且肉眼完全睇唔到，但之後過咗幾分鐘就唔小心將自己嘅手指放咗入去，好驚啲殘留會唔會搞大肚，需唔需要食事後丸? 上次第一日嚟m係4號
Hello, 明白你擔心有懷孕風險，睇返你嘅情況懷孕風險好低嘅，唔使食事後丸。因為尿道球腺液／精液，接觸空氣之後，好快就會隨住空氣，令入面嘅水分蒸發變乾，並令精子失去活動能力而死亡。尿道球腺液／精液接觸到唔同物質例如皮膚、衣服等，都會進一步降低精子嘅活動能力。所以一般幾分鐘內尿道球腺液／精液都已經會乾透，令精子無辦法游入陰道內，導致懷孕。而你係接觸伴侶分泌物幾分鐘之後再接觸陰部，咁果個時候尿道球腺液／精液都可能已經乾透失去活動能力，導致懷孕嘅風險係比較低，無需太擔心住嘅。
今日去咗家計會，醫生話機率幾乎係0，但保險起見食咗事後丸，咁想問懷孕機率係咪更加低?
冇錯啊，事後藥嘅避孕成效非常高，而且你都有係時限內食到，所以唔洗太擔心。
未來幾日都可以留意下，有機會會出現不規則陰道出血，係事後藥嘅正常副作用，如果見到嘅話都唔使太擔心，可以當係一次正常月經咁計算就可以啦。不過如果真係出血好嚴重，就會建議睇醫生同返醫生講你嘅情況啦。
好的謝謝你
1個讚