我今年二十二歲，之前青春期都無試過夢遺。反而今個月開始有兩晚醒左見左底褲濕左有陣精味。想問咁大個先有夢遺係咪正常？
Hello 知道都可能會有啲困擾，咁大個先出現夢遺。
不過，其實夢遺係冇年紀之分，雖然好多人都係係12-15歲左右，青春期時期經歷第一次夢遺，但都唔係每個人都一定有夢遺，有夢遺嘅人都唔一定淨係係青春期先有，有啲人都會好似你咁二十幾歲先有第一次夢遺，亦都有啲人去到40幾50幾歲都仲有夢遺，所以唔洗太擔心。
如果真係擔心，你都可以留意下自己陰莖有冇咩其他唔舒服，例如痕或者痛，或者精液顏色有冇異常，如果出現呢啲情況嘅話就可能係尿道炎等等，就可能要求醫啦。不過一般情況，夢遺都唔係啲咩問題。如果真係出現咗嘅話，就記得清潔好，同埋更換衣物就可以啦。
希望幫到你！