會唔會有咗

我哋冇性行為 冇插到 只係係度又錫又摸 但錫時下體有碰撞過 女有着底褲 唔係掂正陰道中間 大概係外唇嗰啲位 冇射精到 同埋男友都好肯定話嗰時冇分泌其他液體 如果有我同佢都會feel 到 但我驚會唔覺意流咗啲入去 :grimacing::grimacing:想問會唔會有咗 呢幾日都不斷諗 由有啲冇做過都變到好似有做過咁

Hello 唔洗太擔心,你哋嘅情況懷孕風險非常低。

一般嚟講,要懷孕,就要精子同陰道有直接接觸。你提到,當時係有著底褲,亦都唔係掂正陰道,
亦都冇射精,所以風險好低,唔洗太擔心。

不過都提醒返,就算唔射精,其實陰莖性興奮時都會有機會分泌透明嘅尿道球腺液,當中有機會有精子。所以如果下次發生性行為,特別係插入式性行為,如果唔想有懷孕風險,就最好做足安全措施啦! :heart_hands:

頭先啱啱見到有嚟M 咖啡色嘅 咁係咪即係唔會有:dizzy_face::face_with_spiral_eyes:

雖然啡色經血可能會係懷孕先兆,但都唔可以單憑呢樣野就判斷有冇懷孕。最主要都係因為你地當時係隔咗層底褲,冇直接接觸,所以懷孕機會本身已經好低。而啡色都可能係因為有情緒壓力影響而出現啡色,唔洗太擔心。