粉紅色分泌物

一直都有食事前藥,食咗可能大約九個月,星期一有無套過,跟住今個禮拜234就開始有啲粉紅色分泌物,同埋今日有少少痕,咁其實我係咪淨係普通嘅陰道炎?因為之前就冇粉紅色嘅 所以有少少擔心

你好,由於你有服食開事前避孕藥,有帶血分泌物同懷孕理應沒有關係,所以可以先排除懷孕風險。
另外,因為有下體痕癢問題,按情況睇似乎似係有感染。由於你進行過無使用安全套既性行為,會有機會因為對方衛生問題而受感染,又或者係同自己清潔問題有關。如果加埋有痛感就更加大機會係有感染情況。目前建議你先去搵醫生檢查一下,了解一下異常分泌物係咪因感染而起,如果真係患上陰道炎,只要按指示服藥,完全療程就可以根治,無需要太過擔心。
當然康復後亦要多加注意清潔衛生,尤其係性行為之前,雙方都應該要先清潔性器官,確保乾淨就可減少受感染機會。

而家基本上就係冇痛呢個情況嘅,咁但係就會有啲帶血嘅分泌物。比較擔心呢個問題,唔知會唔會係關我上個禮拜病咗事,因為都有血左幾日,少少少少咁

hello你好啊

有好多唔同嘅原因都會導致出現粉紅色分泌物嘅,例如念珠菌發炎或者陰道出血都係其中一啲可能嘅原因。除咗顏色外,你都可以留意下氣味上有無變化,或者質地變得好似蛋白豆腐渣狀咁,咁就有機會係發炎嘅症狀。我地都建議可以睇醫生,咁就可以了解到身體狀況喇!