第一次性愛想問

就係最近同女朋友做左2次,分別在月經期12日和19日,全程戴套套,畢竟第一次做,擔心會唔會懷孕,帶套正反帶岩,有捏空精囊,未入就帶。應該問題不大?而前列腺液會唔會懷孕噶?第二次性愛前戲果陣有透明液體在弟弟流出,沾到手上後帶套,驚會懷孕。所以準備用驗孕棒,目前距離第一次10日,第二次3日。宜家用驗孕棒準唔準?

Hello @Lovecalculus , 睇到你好擔心伴侶有懷孕風險,咁睇返你既情況,第一次戴套既步驟大致正確,應該問題不大。至於第二次性愛,你所指既透明液體有機會係尿道球腺液 (pre-cum),或者係射精前一階段既分泌物 前列腺液。前者有時會含有少量的精子;後者本身就係精液既其中一種成份,帶有精子,所以陰部直接接觸到其一種分泌物都有懷孕風險。

係性行為既7日或11日後進行驗孕,7日後會驗出初步結果,11日或以後驗出黎既結果就非常準確,所以建議你距離第二次性行為11日進行驗孕,咁第二次既結果係陰性既話,咁基本都確定係無懷孕。

1個讚

同埋想問做完之後係咪有黎M就冇懷孕?

一般精子可以喺女性身體存活嘅時間,大概得2-3日。而其實你地兩次性行為都有帶安全套,又係11日後驗左孕,所以懷孕既機率真係好低,唔需要太擔心。係你嘅情況嚟講,如果嚟咗M就等於冇懷孕。

1個讚