係咁的，我都幾後悔，以後都唔玩。
事源係10月1日果陣技師幫我無套口交同埋磨棍.
完左之後都幾驚. 咁第16天就去左做 hiv p24 梅毒 鮑疹 同埋 hpv33項 dna 測驗。（全部都係陰性）
6星期時做左個hiv自測都係陰既 。
但都成日好不安咁
所以想問下：
Hpv風險高嗎？（我跟據7-14空窗期指示 第16日 33項dna測試係冇事 到依家57日都唔覺有病徵）
之後睇左下d性知識 知道有乙肝風險 但口交果陣我應該都冇傷口係陰莖上邊. 其實風險高唔高？（出生有打疫苗）
請問係咪3個月後做多次全面test冇問題就可以放心. 如果早果1-2日會唔會有影響
我唔想成日咁焦慮落去 。請問有咩建議
Hello @焦慮的人 , 基本上14日後做測驗， HIV p24 & 皰疹 & HPV既結果都係可信既。但梅毒既空窗期最長可以到6星期，需要既話可以之後再驗多次。
其實所謂既性病感染風險主要都係睇，有無高風險體液 (即係精液、陰道分泌等)既直接接觸。無論點都好，無戴套感染性病既風險都相對較高，無分話感染邊種性病既可能性高啲或低。
乙肝疫苗雖然出世有打，但有效期只係得5-10年，所以仍可以透過性行為黎傳染。
3個月後再做多次全面test，如果結果都係陰性，基本上真係無事，而早1-2日去做都唔會有好大影響。
明白你好擔心會感染性病，不過依加醫學進步，唔少性病可以痊癒，其他亦可以控制到病情，令你唔受症狀影響，亦都唔會有感染他人嘅能力。而且你已經做左第一輪測驗，初步結果都係陰性，如果之後做多次都係冇感染，咁就安心晒；如果有，亦可以盡快展開治療，令到性病得以痊癒或受控。
最後，如果將來會再發生性行為，就記得使用安全套啦，咁先有效同時避免懷孕同感染性病～
多謝你既回應。我放心左dd了.
我3個月會再去做多次測試 應該會做埋乙肝果d 。
乙肝透過口交好似比較低風險？依家最怕係呢樣
口水中的乙型肝炎病毒量含量好少，所以乙型肝炎一般不會經由口水、淚水或身體接觸傳播。不過你擔心既話就驗埋啦~
早幾日用左梅毒快測套件 冇事我都放心左好d
但隨著接觸更多的資料
依家到我驚hsv1
因為早前既測試冇包到1型既（2型16天測過冇問題）
其實都已經63日冇症狀係咪都係機會比較細？（只係無套口交同磨左下棍 我冇明顯傷口）（我明白係要測抗體 。但忍唔住問下）
唔該曬
Hello~
首先HSV1 其實唔屬於性病，只係能夠透過性接觸傳染，有好多人細細個都已經因為社交接觸而有感染到並且一直潛伏，只係平日免疫力良好所以冇發出嚟～
其次佢雖然主要透過口腔傳播，但傳播時需要已經有出現水泡、潰爛嘅情況，仲要有爆開有水泡液流出再接觸到你先會傳染到，所以如果對方係喺復發期，佢未必樂意進行口交，因為身體係會有明顯不適嘅～
同埋如果係初次感染，症狀應該會比較明顯，例如發燒、周身痛、喉嚨痛、口腔/嘴唇/生殖器/肛門生皰疹（有腫塊、起水泡、潰瘍）、頭痛、淋巴結腫大等等，所以如果你63日以嚟都冇任何症狀，咁中嘅機會都好低㗎啦：）
多謝你既回應
想問下如果係要有徵狀 。比如淋巴腫大同出水泡 。係咪應該會係對應既位置（陰部同大腿）而唔會係口腔附近？ （沒有kiss咀同埋幫佢口交果d)
我唔想誤認日常有既小症狀比如：（間唔中頭痛同口腔一粒小水泡果d）做初發既表現
又麻煩你了
冇錯～ 淋巴結腫大同出水泡嘅症狀都會出現喺有接觸過對方口部或性器官嘅區域～ 如果你嘅口部冇同對方接觸過，就唔會喺口腔出現以上症狀㗎啦～
同埋其實HSV1 喺感染後係會1至2星期內自然痊癒嘅，除非一直因為一啲原因令到傷口無法結焦、癒合。所以如果你當時有受到感染，如無意外都已經好返㗎啦，只係佢會一直喺身體入面潛伏，等待你抵抗力弱嘅時候去復發，所以只要注意身體狀況，保持健康就無後顧之憂架喇：）