有關自慰和安全套問題!

我想問,如果自慰(男仔)經常用洗手液來作潤滑劑,會不會對陰莖有影響? 同埋,安全套放銀包一段時間,也可以用嗎?謝謝

洗手液依啲清潔用品感覺上比較有刺激性,我自己就唔會選擇,不過你用洗手液自慰後有冇覺得唔舒服?

安全套就唔建議放銀包,如果有銀包放褲袋嘅習慣,體溫有機會破壞安全套嘅乳膠物料,而且銀包比較多卡ar, 硬幣等尖銳/硬物,會容易整爛安全套包裝,放返係原裝盒或一啲具保護性嘅物件入面會好啲

2個讚

如果洗手液係自慰之後洗唔乾淨,長久落去容易對皮膚做成刺激。發現皮膚有任何不適就要立刻停止使用。

我想問,如果我陰莖有好多’粒粒’(唔痛唔痕,好似粒米咁大,而且已經有好多年),係咪一種病黎架?有無得根治?謝謝

事後唔怕唔舒服,但我怕會對皮膚有影響

似係珍珠疹,成因不明但無害。當然仲有懷疑的話,去醫生度檢查可以安心啲。

皮膚嘅承受能力每個人都不同。陰部皮膚比較薄,洗手液亦比較多化學成份,造成刺激嘅機會較高,有問題時亦都要較長時間復原。

如果你每一次都有沖洗乾淨,唔會令洗手液長時間留係皮膚表面,我諗就同洗多幾次手或沖涼唔會有太大分別。

請問你啲粒粒係生喺邊度?係龜頭根部定係陰莖表面?

陰莖表面,但不痛不癢,主要是在勃起後才明顯

如果是不痛不癢的粒粒,應該是毛囊粗大的結果,不是珍珠疹,這種情況多是因為內褲與陰莖大量磨擦接觸所致,不影響身體健康
但是如果出現像酒米一樣的情況 (也就是像暗瘡一樣能擠出白色東西),就要小心清潔,不要用過度刺激的清潔液,也不要擠壓這些粒粒,可能會導致皮膚發炎