上個星期我同男朋友有親密動作，嗰陣時佢除晒褲我有着底褲，咁我哋下體就有掂過下嘅，但係就唔係持續咁樣去磨，亦都冇插入式性行為，更加冇喺入邊射到，期間佢下體又掂過外唇。跟住佢自己用左手打過，打完之後都有抹返隻手，跟住佢右手擺過落去我陰道，想問吓有咗風險高唔高。
之後第二日就係咁諗，我驚佢會有少少精液流咗入去陰道嗰度，跟住上個星期四嚟M 去到今日仲有少少血，呢幾日係咁不斷諗，究竟係咪我諗多？
Hello, 了解到你嘅情況，懷孕風險係非常低，唔使咁擔心。因為精液接觸空氣之後，好快就會隨住空氣，令入面嘅水分蒸發變乾，並令精子失去活動能力而死亡。精液接觸到唔同物質例如皮膚、衣服、紙巾等，都會進一步降低精子嘅活動能力。所以一般幾分鐘內精液都已經會乾透，令精子無辦法游入陰道內導致懷孕。
而月經週期由月經出血第一日至下次月經開始既前一日既日數計算。一般以28日為準，但在21至35日之間出現，只要有規律性，都係屬正常。月經提前或延後不超過7日，都算正常。
見你係第二個post問會唔會係著床出血，咁著床性出血係指當受精卵着床喺子宮壁嘅時候有機會造成嘅少量出血，通常只會有幾滴或者最多一塊護墊可以承載到嘅血量，而且係一次性，唔會持續地出血幾日，血嘅顏色亦會同月經嘅唔一樣。一般由受精到着床大概係性行為後六至九日就會發生。而着床性出血並唔係一個常見嘅現象，亦都好容易同排卵期出血、陰道擦損出血等情況撈亂，所以唯一可以肯定自己有冇懷孕嘅方法就只有驗孕。即使真係因為懷孕都係只有少部分女性會出現嘅情況。而你同伴侶嘅性器官冇直接接觸，懷孕風險係近乎零，唔需要太擔心。