有關懷孕問題

有冇可能性愛完之後黎M,黎完M但系懷孕?同埋懷孕最初期特徵有什麼,幾時開始有特徵?最後就係食前藥傷身嗎?聽過有人為了經期穩定而用事前藥,長期服用是否可能?

Hello 基本上如果嚟咗M,就代表呢次月經之前發生嘅性行為都係冇導致懷孕。而懷孕可以有好多唔同徵狀或者唔同時間開始出現,係好因人而異,所以都好難答到,所以都好難從呢啲方法去睇有冇懷孕。所以如果擔心懷孕嘅話,最好做法都係驗孕。你可以係性行為之後11日之後自行買驗孕棒驗孕,11日之後驗,得到嘅結果都已經非常準確同埋最客觀。

另外,好多人都真係會食事前避孕藥嚟調經嘅,而且都唔會好傷身。不過,並唔係每個人都適合食嘅,所以最好食之前都睇下問下醫生先。而且一開始食都可能會有唔同副作用(但又唔一定有),例如頭暈、不規則陰道出血等等,都係正常。一般嚟講3個月之後就會冇架啦,如果副作用好嚴重,或者3個月之後仲有,就可能要停藥或者轉藥或者睇睇醫生。另外如果食多過一年之後,都會建議睇睇醫生睇下有冇需要調整。

希望幫到你 :blush:

1個讚