你好呀，有個問題想問下!!
我keep住食yasmin已經差唔多兩年,一路都好準時每晚12點食藥,從來都無試過漏服
24/11 12點都有準時食藥,但係嗰晚飲醉咗,之後聽返朋友講先知自己大概1點半左右嘔過,因為自己完全無印象嘔過,所以都無喺12個鐘內補食, 25/11 12點先有食下一粒
25/11 夜晚有同男朋友無套外射, 想問下懷孕嘅risk高唔高, thanks
Hello 你嘅情況懷孕風險唔算好高，唔使太擔心。
首先，如果食完避孕藥冇耐，就唔建議飲酒，因為就係會擔心好快出現嘔吐咁嘅情況，從而影響藥效，所以下次就最好留意下啦。不過都好欣賞你事後有意識到個風險上嚟問 
至於你嘅情況，風險都唔高，係因為你已經食咗避孕藥差唔多兩年，而且之前一直都好準時食，基本上身體其實建立咗一定嘅藥效。即使係24/11個次，的確其實你都有準時食藥，只係唔清楚身體有冇消化到粒藥就已經嘔咗。就算最懷情況，當身體真係冇消化到粒藥，但其實你已經食咗兩年，而又一直有準時食又冇漏食，身體嘅藥效都足夠嘅，漏食咗一粒嘅話，個影響未至於好大，所以就唔洗太擔心。不過就千萬唔好以為咁都冇事，之後就可以食少咗都當冇事。如果漏食，最好就跟返漏食嘅指引去處理啦。
希望幫到你。