套套穿咗。

今日同女朋友做愛,本身個套套好地地,諗住冇嘢就係入面射完再出嚟,點知射嘅時候覺得唔對路,即刻出嚟發現穿咗,射左一半係入面,我即刻幫佢挖返好多精出嚟,再叫佢用水沖吓,然後去咗買事後丸比佢,立安婷,基本上事後十分鐘內已經服用事後丸,佢唔想咁快有住,所以而家有啲驚,唔放心所以想問下會唔會有事:pray:t2:

唔記得咗講佢19/11嚟M,24/11就停咗經血,唔係好清楚係咪一定七日先係一次嘅經期週

你好,今日女朋友瞓醒話內褲有好多分泌黏液,請問係咪事後丸有效?

Hello @yooboo , 係120小時之內服用事後丸,甚本上係無懷孕既風險。但係係香港黎講,事後丸(緊急避孕丸)唔可以係藥房購買,必須要經醫生處方先可以配藥。因為之前有人試過係藥房買到唔岩既藥,所以如果你確定個D事後丸係無問題就得。唔係既話,你女朋友亦都可以去家計會、公立醫院同私家診所購買事後丸。

一般女性既月經週期平均是21至35天,常見既月經週期是28天、月經期持續4至7天。你女朋友既情況係屬於正常。

事後避孕藥通常含高濃度既黃體素,可能會嚴重擾亂月經週期。 大部分人食左之後,會有不正常陰道出血既副作用。 有啲人食咗事後藥之後可能會有分泌物,但呢個並唔可以視為事後丸有效嘅指標。

1個讚

清楚明白哂!唔該你先:pray:t2::pray:t2:再有任何問題再向你地資詢:pray:t2::pray:t2:希望冇問題,我好擔心佢:pray:t2:

想問如果心急想知有冇中到,完事後兩三日用驗孕棒測試有冇效?同埋有冇驗孕棒推介:pray:t2:

Hello @yooboo, 完事後兩三日用驗孕棒測試係無效嘅。因為係卵子受精後(完事後)需要經過大約六至七天既時間,身體先開始產生孕激素(hCG),再過幾天,孕激素水平足夠高個陣先會被驗孕棒檢測到。所以最少都要完事後7日先好驗,7日個個只係初步結果,11日或以後驗出黎既結果先較為準確。普遍係藥房買到既驗孕棒都OK。

1個讚

收到你,唔該晒:pray:t2:

你好呀,請問食完事後丸五日後打流感針會唔會有咩影響?

Hello, 注射疫苗(打流感針)同事後丸之間未有好明顯嘅關連或者影響,無需擔心。普遍黎講都有指出注射疫苗,有機會對月經週期產生影響 ,原因係子宮內膜內都含有免疫細胞,注射疫苗有機會令子宮內膜內嘅免疫細胞有反應,有機會延遲月經週期。但係暫時未有研究指出會影響緊急避孕藥嘅藥效,只係會影響月經情況有機會會有改變,所以都無需太擔心。

1個讚

唔該晒:pray:t2::pray:t2:

今日係事後第六日,我唔放心叫女友驗左一次,用「 Clearblue驗孕寶超早知驗孕棒」驗,結果係咪唔可以作參考,因為該產品要從月經逾期日前6天驗,但係佢未清楚今個月嘅月經週期,但係都照驗左先,但係結果都唔係好清楚,咁早驗係咪冇效的?不過聽日第七日會再驗一次,同埋用返普通牌子,只係想問下以上嘅問題:pray:t2:

hello你好啊
驗孕棒係透過檢測尿液中嘅hCG (人絨毛膜促性腺激素)含量,呢款激素會係受精卵著床後開始大量分泌,而一般受精著床呢個過程需要6-9日,係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。所以聽日驗多一次,就會有初步嘅結果。如果要準確啲嘅結果,可以係13號(星期三)再驗多一次,咁就最準確喇。市面上大型連鎖藥房嘅驗孕棒都係準確嘅~

1個讚

唔該晒:pray:t2:

1個讚

今日第十一日,用萬X牌check左最後冇事,好好彩,多謝你哋專業嘅意見同回應,好彩有你地:pray:t2::pray:t2:

想問如果個套穿左,係咪就算細到一個針孔咁,射左既話,女既都會feel到?

要事後入水check下囉

安全套穿左,除非係大程度既破裂,否則針孔咁細應該唔會咁容易感覺到,加上每個人既敏感度不同,所以好難以女方感唔感覺得到去評估安全套係咪穿左,最好都係做入水測試。