想延遲嚟M

係8月尾9月頭個時試過skip咗個停藥期 唔食嗰幾粒白色藥丸

想係12月尾1月頭都skip咗個停藥期 唔食嗰幾粒白色藥丸 延遲嚟M

想問可唔可以的?會唔會有影響?

Hello @Iris333 , 係可以嘅,但留意番喺延遲嚟M嘅過程之中有機會出現不規則出血或者點狀出血,呢個都係屬於正常嘅情況,只要繼續每日準時食藥就可以維持唔嚟M嘅作用。

不過呢個方法最多只可以連續使用三次,即係話連續食三次24粒有藥效嘅藥丸+skip咗兩次白色之後,就一定要比身體嚟M(食白色),如果唔係會對身體唔好㗎!所以唔建議你一直是用呢個方法延遲月經,如果係為咗去旅行間唔中一次嘅話就冇咩所謂嘅:smiling_face:

想問點解我明明已經係skip左 冇食白色藥丸 但食食下途中會黎M?

Hello, 好似上面同事所講,用事前避孕藥嚟延遲月經嘅過程中係可能出現不規則出血或者點狀出血,都係屬於正常嘅情況,只要繼續每日準時食藥就可以維持唔嚟M嘅作用。不過唔係每個人嘅體質都適合咁樣做,所以如果食嘅途中一直出現不規則嘅出血,或者好嚴重嘅副作用,咁就有可能需要見醫生啦。