懷孕機率高唔高? (急)🥹

11月5號同男朋友做過。第二日(6號)m到咗?!(早咗14日,平時20號M到)嗰次m期係11月6號去到14號左右:raised_hands:t2:
當時冇用套,外射!
.
11月29號有分泌物(小小血)
12月1號開始有血(正常m量)
12月3號同男朋友有做過,有用套!
到目前為止都有血,(正常m量)
唔確定係咪m到…. 有諗過係咪因為青春期所以比較亂咗?加上呢排壓力大…
同場加問——— 如果想開始食避孕藥(21日),係咪今日/聽日開始食第一粒?
Thxxxx :raised_hands:t2::raised_hands:t2::face_holding_back_tears::face_holding_back_tears::face_holding_back_tears: sor for 1999

Halo​:see_no_evil:我見你文字上描述咗兩段時間所發生嘅性行為,咁我都分返開去回答你先。

首先,我地通常都唔建議大家用體外射精同埋計安全期去作為避孕嘅方法,因為佢地都唔係有效嘅方式,好多時都係睇彩數。正如你上面都有提到經期可能會因為好多原因而早咗遲咗:smiling_face_with_tear:所以計安全期嘅方式係好難預計得準確;而體外射精就更加估計唔到啦,因為男性係性興奮時嘅分泌物已經會有精子㗎啦,所以體外射精其實都好危險㗎:cry:

不過聽返你咁講,距離上次無套性行為後都嚟咗次月經,咁基本上都代表你無懷孕嘅情況出現,如果唔係就唔會再有月經出現。但如果你都係唔確定呢排嘅分泌物係未真係m到嘅,咁我都建議你去用驗孕棒檢查下先,以求安心~ 視乎牌子,基本上係性行為後7日或者11日後,跟足指示,就可以得到準確嘅驗孕效果。

其次,好欣賞你近期呢次性行為有嘗試使用避孕套 :heart_hands: 基本上性行為時,如果有正確並全程使用避孕套,並且無出現甩套同穿套嘅情況,咁避孕效果都已經頗高~

最後就係食避孕藥嘅方法,我建議如果係第一次或者隔咗好多耐後再次食返避孕藥,咁最好都係家計會或者診所睇醫生先會好啲~雖然事前藥好容易係唔同地方買到,但如果第一次食前,最好都係同醫生/護士了解下先食法、副作用等,再安排你試下邊一款會啱自己~

食法上就視乎唔同牌子,但基本上都係你月經周期第一日就服用,咁就可以係7日後就有避孕嘅效果;如果錯過咗嘅,幾時食都無咩所謂,不過就需要用長啲時間去建立避孕效果(約14日)。不過我個人建議,就算用邊種食法都好,第一次食都係等夠2星期,建立足夠嘅避孕效果先考慮唔用安全套會好啲~

額外提一提,就只係得避孕套可以同時做到避孕同埋預防性病嘅效果:ok_man:t3:

Thx!:face_holding_back_tears::raised_hands:t2::raised_hands:t2::raised_hands:t2:
其實上星期五+六都有用萬寧嘅驗咗兩次。 都係一條線!!!
.
避孕藥我尋日下晝五點第一次食( Microgynon 30)。
冇諗過咁快有副作用!食完之後尋晚同今朝早情緒都好不穩:smiling_face_with_tear:忍唔住諗返以前啲嘢喺度係咁喊 ….咁快有副作用算唔算正常?

唔同人適應避孕藥嘅情況都唔一樣,如果你係即日已經有一啲情緒不穩嘅狀況,都有機會係受到
避孕藥嘅影響。你可以觀察多幾日,如果呢個情況持續,或者令你好唔舒服嘅話,就建議先停藥,再諮詢醫生嘅意見:ok_woman:t2:

1個讚