依下依個動作容唔容易有性病

我去SPA既時候,唔小心好輕微hi到條毛巾,想請問性病機會中唔大,只係好輕微,hi一hi

Hello, 部份性病能夠透過其他媒介例如毛巾感染,如果場所提供嘅毛巾唔乾淨或者有同技師共用毛巾,都會有感染嘅風險。不過受污染嘅毛巾無接觸到你皮膚上嘅傷口或者你嘅皮膚上無任何傷口,傳染到性病嘅風險係極低。

因為性病主要嘅傳播途徑透過體液,例如精液、腸液、尿道球腺分泌(Pre-cum)、陰道分泌、血液,接觸過身體比較薄嘅黏膜組織,例如肛門、口腔、陰道,或者傷口先傳播到病毒。

但如果係HPV呢?

唔好意思,我指輕微 hi 到我私處(陰莖)

Hello 即使係HPV都好,或者係輕微掂到你嘅私處都好,都係好似上面同事所講咁,風險係好低嘅。

首先,都唔能夠確定條毛巾係咪真係有任何病毒喺上面。而即使有都好,都要有足夠嘅病毒量先能夠傳染得到。而你都只係輕微掂一掂到陰莖,所以都唔係一個好嚴重嘅情況。

當然,如果你擔心嘅話都可以去做性病測試,hpv嘅空窗期大約係7至14日左右,真係好擔心嘅話都可以等空窗期過咗就去做性病測試。

希望幫到你。