精液射到浴缸會唔會令到另一半懷孕

上個月19號,我同女朋友有一齊浸浴,當時我幫佢自慰完之後,佢有幫我打飛機,之後射咗入水度,當時我有叫佢立即起身,之後再沖身,一段時間之後,我哋再企住佢再幫我打飛機,全程性器官冇插入,請問咁樣會令到另一半懷孕嗎?水中精液會流入去陰部嗎?

因為女朋友月經遲嚟咗一個星期,本來前幾日都有嚟M嘅跡象,但呢兩日佢話好似突然間冇晒呢啲跡象,咁樣算正常嗎?

如果要驗孕的話,有冇分話用邊一次嘅尿液係最好?
因為女朋友呢兩日走去睇呢啲水沖懷孕嘅報導,我哋就開始驚同好不安,所以想尋求答案,謝謝

新聞有出現過你呢個例子,但其實講真機會好小,因為精既存活率冇咁強,加上掂埋水,就吾太可能

驗孕最好係第一篤晨尿,因為一起身係賀爾蒙最強既時候,最準

女朋友就係聽咗呢啲例子,先搞到個人好驚

基本上吾可能有咗,除非你的精勁到識游完水再入洞,咁既話冇野好講

Hello 你呢個情況懷孕風險都好低,唔使太擔心。

首先,精子其實好脆弱,唔係咁容易生存得到,如果接觸咗水嘅話,就更加難生存得到,所以呢個情況會懷孕嘅風險係微乎其微。

至於驗孕嘅話,基本上係發生性行為之後11日驗孕得到嘅結果就係最準確同最客觀,就算唔係晨尿都已經有足夠嘅濃度去驗到準確結果。

而且月經可以因為好多唔同因素都會影響到,例如生活作息定飲食習慣等等,甚至情緒壓力都可以影響得到,例如可能你女朋友好擔心懷孕,無意間都會對自己有一定嘅壓力,都可能會影響到月經遲嚟,所以用身體狀況去判斷有冇懷孕係唔準確唔客觀嘅,最好都係驗孕去睇返個結果啦。

咁係浴缸嘅精子有冇可能走入陰道?

女朋友本來谷M肚脹,但今朝肚脹平咗,係咩事?

如同同事所講,精子好脆弱,如果接觸咗水嘅話,其實都好快死亡,所以呢個情況會懷孕嘅風險係微乎其微。

應該係谷緊月經,不如你地耐心啲觀察下,唔使咁擔心既 其實已經排除左懷孕風險,無必要仲日日擔心。放鬆啲月經周期才會穩定。

星期四晚,同女朋友買咗兩隻唔同牌子驗孕棒驗,都係冇顯示懷孕,星期五有少量血水,但仲未黎M,是正常現象嗎?

Hello~ 距離發生性行為已經過咗咁耐,驗孕嘅結果係非常準確㗎啦,所以可以唔使擔心係懷孕~
如果已經出現少量血水,可能都差唔多谷完M,應該好快會嚟㗎啦,試吓盡量放鬆心情就可以啦:)