好驚另一半會唔會有左

另一半對上兩個月都係1號嚟m(1/10,1/11),維持5-7日左右。
對上一次性行為係喺 17/11。
佢到今日(7/12)都仲未嚟m。
我唔sure性行為嗰陣個套有無戴反左。不過無戴完再調轉戴的。想問如果真係戴反左(但係無調轉番的)會唔會有事?
同埋佢經期唔算特別唔穩定,唔知依家仲未嚟m係咪好大機會有左。
同埋如果用驗孕棒check,幾時check準d?聽朝ok嗎?

啱啱另一半攞驗孕棒check左negative,但都仲係好驚

有無人可以解答下?:cry::cry::sob: 感謝
依家成個人都好驚 乜都做唔到:sob:

你好,首先想解答你幾個問題。第一,如果另一半本身月經週期唔係太穩定,而月經週期好多時都係受到唔同嘅因素影響,例如:作息時間改變、生活習慣改變,以及有壓力,或者服食其他藥物等,都會影響月經週期,所以先唔需要太擔心。第二,就係自行驗孕嘅問題,如果你哋真係好擔心或有懷孕風險,其實已經可以進行自行驗孕。而你哋亦啱啱check咗係陰性,其實唔需要擔心,因為已經係可以排除咗懷孕嘅風險。你哋喺上個月17號發生性行為,至今已經過咗11日,所以自行驗孕嘅結果係非常之準確。
因為如果自行驗孕其實可以喺性行為後第7日或第11日進行,因為驗孕棒係透過檢測尿液中嘅hCG (人絨毛膜促性腺激素)含量,呢個激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果,而係11日後或者預計經期嘅日子驗孕結果會更加準確。
另外,你話使用安全套嘅時候唔肯定有冇反轉咗,我估計你 係應該冇反轉到,因為如果你係反轉咗使用安全套,你應係唔能夠將安全套戴落陰莖根部,即覆蓋整個陰莖。如果你能夠將安全覆蓋整個陰莖,其實應該冇反轉戴。不過都想分享一啲正確使用安全套嘅資料畀你,你可以參考以下嘅網址。
如果就戴套方面嘅步驟有疑慮,都可以睇我地以下嘅文章,內容有詳盡咁講述正確戴安全套嘅方式,同埋注意事項。
https://www.instagram.com/p/B4EX0FVFLUf
同埋而家自行驗孕結果係陰性,唔需要太擔心會有懷孕風險嘅。