月經遲遲唔黎,好驚

上個月18/11同男朋友sex咗2次,2次都有帶安全套,確認過冇穿。我應該係一週前要黎月經,但係到而家都未黎,好驚會中:face_holding_back_tears:我本身有多囊,月經都會遲到,想知中既機會大唔大
同埋我每次sex完心理都好驚會中,享受唔到同埋比以前少左好多慾望,甚至係零:disappointed:每一次遲黎m都令到我好緊張 有咩方法可以試吓令自己會安心啲

你好,根據你嘅講法,喺兩次性行為當中都有採取安全措施,所以懷孕嘅風險係非常之低。而月經遲遲都未嚟,估計係同平時嘅生活習慣改變有影響,因為月經週期就係受好多唔同嘅因素影響,例如:作息改變、有壓力,又或者當時有服用其他藥物等,都會影響月經週期。而你本身有多囊症問題,亦都會係影響月經週期嘅因素之一,所以唔需要太擔心有懷孕風險,只要你有做足安全措施。至於月經遲嚟,如果經常都有呢一個問題,都建議返你要去搵醫生檢查一下身體,會唔會係有其他冇問題而影響月經週期。
至於你話因為擔心有懷孕風險,而影響每一次性行為嘅慾望 ,其實我都有講過有性行為與否,其實係需要心理上面都要做好準備才發生。因為如果係心理上未準有充足嘅準備,其實都唔係太建議發生性行為,因為即係代表你其實係未完全係一個理想嘅狀況有性行為,所以呢一方面你亦都要考慮一下。
每一次如果發生性行為嘅時候,都做好安全措施,其實懷孕嘅風險係非常之低,所以如果你哋每一次都係有安全性行為嘅話,其實你都唔需要特別太過擔心。如果真係好擔心,安全措施未必有效,但又好希望同伴侶發生性行為,其實都可以採取雙重安全措施,例如:使用安全套嘅同時,亦服事前避孕丸,都可以確保有雙重保障。

1個讚

7號測過一次係陰性,但係我連續食咗4,5日催經藥到依家都未有月經。:sob:

月經周期受到好多因素影響嘅,可能你最近情緒壓力好大,睡眠質素唔好,同埋飲食習慣都有機會影響。

剛剛有月經啦 thankyouuu

1個讚