好驚有性病/MSM🏳️‍🌈

小弟今年20歲,因為父母雙方家庭背景係傳統華人觀+天主教徒,所以一世人都係深櫃+處男,亦暫時唔想出櫃。今年讀大學就好好彩有得去外國exchange,然而外國std檢測都免費,所以幾個月之前就膽粗粗試咗約砲(msm),全部都係純口/手交。(I knew I was naive but too late)

直到有一次約(9月中)嘅時候就試無套肛交。對方話最近做過檢測可以試,唯獨最後插唔到就冇再繼續,過程大概3-4分鐘。約完就開始驚可能有hiv/性病,隨即做hiv rapid test結果negative,一個月後(10月中)就做咗第一次full std screening (Chlamydia/Gonorrhea/HIV/Syphilis同Trich)同埋身體檢查,結果都係陰性,而sexual health clinic嘅醫生就話身體無症狀建議三個月後再檢測。since then就冇約太多,就算約都會全程戴套。

然而前幾日因為喉嚨感覺唔舒服(喉結下面2cm位有突出物,喉嚨間歇性感覺有d緊,需要飲水緩解)。因為有啲擔心所以決定提前再去做檢測,同樣都係該5項,結果返到黎都係negative。面診嘅時候我就有問醫生會唔會係淋巴腺腫大,醫生就話swollen glands唔會係喉結下面,而喉嚨緊可能係因為有壓力/過份緊張,就叫我唔使擔心。但我就擔心檢測時throat swab因為落唔到喉嚨唔舒服嘅位就檢測唔到。想問下會有d乜嘢其他途徑可以檢測到?同埋會建議乜嘢時間再驗?

因為讀完呢個學期就返香港,我亦想問香港std check流程同埋私隱度(因為屋企人都係反同,所以如果比佢哋知我睇社會衛生科 would be catastrophic),真心感謝解答:pray:t2:

唔好意思呢篇文有d長同中英混雜,apologies​:pray:t2:

Hello 你好:)

多謝你同我哋分享咁多你嘅經歷,首先想俾你知道無論你出唔出櫃、有幾多性經驗、進唔進行插入式性行為都係ok 㗎:)因為冇話你受男性吸引就一定要以點樣嘅方式生活,只要以自己覺得舒服同想要嘅方式去自處/面對世界就可以了~

去返你嘅問題:Throat swab 其實係相當準確嘅測試嚟,因為佢可以檢驗到喉嚨區域嘅細菌或病毒~ 而且你喺性行為後一個月後作檢驗,加上做咗HIV rapid test,其實理論上都已經過咗你檢驗嘅項目嘅空窗期,所以結果都係可信嘅,如果你擔心,可以好似醫生所講咁,三個月後再檢測:)

喺香港,只要你持有香港身份證,就可以免費使用社會衛生科嘅性病檢查、治療同埋輔導服務~ 佢係完全唔需要預約或者referral 嘅,直接walk-in 就得,但係如果你有事先想了解嘅測試或服務,可以事先致電查詢~

檢查過後,如果驗到有性病或者其他異常情況,佢哋會致電聯絡你,可能會請你同醫生見面,講解吓你身體嘅情況咁;如果冇咩特別問題,就會大約三星期後請你去攞報告~ 只要你選擇留低個人手提電話號碼作為聯絡方法,都唔會令其他人知道你有去檢查過~ 所以都唔使擔心:)

至於家人方面,因為病歷係屬於個人私隱,所以即使係屋企人都係唔會check到或者睇到你嘅病歷,而根據醫健通嘅保密政策,除非得到你個人同意,否則診所方面都唔可以向第三方披露你嘅資料,所以你屋企人係唔會睇到你嘅record嘅,私隱度非常高,可以唔使擔心:)

以下係社會衛生科(男性)診所嘅資料,你可以睇吓邊一間最方便你:

https://www.dh.gov.hk/tc_chi/tele/tele_chc/tele_chc_shcm.html

希望以上回覆幫到你啦~

Thank you so much for responding, that really helps a lot :pray:
同埋我有一個疑問就係,係外國測chlamydia同gonorrhea都係用尿液樣本;但香港衛生署係urethra swab test,準確性邊個會比較高?(因為我問過呢邊嘅醫生,佢哋都oppose urethra swab,話咁樣好unprofessional)

如果根據兩種測試方法嘅字面解釋,urethra swab test係需要將測試棒插入尿道抽取分泌物。有研究顯示尿液樣本比起urethra swab test更好嘅原因係因為,前者比較快知道結果,同埋冇咁容易為測試帶來不確定性。而且都有唔少男性認為後者會造成痛楚。

但一般社會衛生科都會為男性同女性檢驗尿液樣本同埋抽取陰道/尿道分泌物,至於係用咩方法同埋係咪必須要做,呢方面你可以先打電話同佢哋查詢~

啊好嘅,謝謝您的資料:pray:t2: