Condom甩咗點算?

噚日同女朋友做嘅時候,突然發現condom甩咗,而且仲留咗喺陰道入面,我即刻停咗同埋伸手攞番condom出嚟。事後我女朋友有攞水洗佢下面同埋陰道,而我喺做嘅過程中亦冇射,想問問咁樣有嘅機會大唔大?需唔需要食事後丸?

Hello @Ddd9218 , 為左安全起見,都建議你女朋友食返事後避孕藥,因為安全套曾經脫落,唔排除陰道接觸到尿道球腺液或精液。

同時,其實都建議你檢查一下宜家使用緊既安全套,確保尺寸合適就更加安心。安全套嘅尺寸係指安全套嘅大小,就好似平日我哋買衫會有分尺碼一樣,需要透過量度陰莖嘅大小再決定要用咩尺寸嘅安全套。而安全套一般會以【 寬度 (Nominal Width)】或者【 直徑 (Diameter)】去顯示:

寬度 (Nominal Width) 【歐美/香港安全套品牌常用】

是安全套擠扁時橫向的長度,數值上是 圓周 (Circumference) 的一半。

量度方法係量度充血的陰莖根部的圓周,將圓周除二即等於闊度。

直徑 (Diameter) 【日本安全套品牌常用】

是安全套放平時圓形的直徑,算術上 直徑 x 3.14 = 圓周 。

量度方法係量度充血的陰莖根部的圓周,再除以3.14,便是陰莖直徑。

安全套嘅包裝盒上面通常都會寫有寬度或者直徑嘅數字,方便消費者去選擇。亦有一啲牌子唔會刻意係包裝上列出呢啲數值,有機會要上官網或者參考一啲性用品商店網站嘅資料。