避孕藥食早咗一日

Yaz 避孕藥唔記得咗食最後一粒冇藥性嘅藥丸,食咗了全新第一排有藥性嘅藥丸。想問需唔需要食夠七日先有避孕效果?同埋咁樣食會唔會有問題?
(平時通常夜晚11點左右食,但係今日晏咗返屋企,就誤以為係第二日直接食咗新一排)

同埋想知我係繼續keep住食 定係要隔返一日先食? :pray:

你好:wave:t4:基本上嚟講照食就可以了。我見到你講應該係已經食左事前藥一段時間(至少一個月),依家只係唔小心早左一日開左係排新嘅藥。因為藥效已經建立咗,咁基本上都唔會好影響藥效,而身體都有適應到嘅。所以大致上係唔會影響避孕效果嘅,不過係會有機會令下一次月經提早/延遲。

另外,因為漏食嘅只係個粒無藥性嘅藥丸,都唔洗太擔心嘅。之後服用方法上,只需要好似平時咁係食完呢21粒後,再食個7粒無藥效嘅藥,到時再開新一排就可以了~