本身食緊21日款避孕藥
12月24最後一日藥，但嗰日晏晝飛
每日習慣固定5點食藥，飛到台灣差唔多4/5點左右
驚俾人 check(主要係唔想俾屋企人知）
所以如果我朝早食ok ma? 但上網睇，有人話食咗唔係咁好？因為坐飛機會容易凝血？我都搞到好亂
定係我索性嗰日唔食，橫掂12月24號係最後一次藥，食或唔食影響大唔大？
你好呀
對於應唔應該食藥，我建議如果要食就盡量跟返時間食會比較好～
雖然都明白未必好想比屋企人知嘅，但會唔會都可以考慮下先將粒藥放係個人隨身行李上，然後再落機後搵個機會再食呢？
不過如果都唔想麻煩或者偷偷摸摸嘅，而你係去台灣期間又唔會發生性生為，咁你都可以考慮下唔食。不過都要提一提你，雖然係最後一粒啦，但如果skip咗一粒唔食，有機會都可能影響咗你嚟緊經期會早咗或者延遲都唔定；同埋我建議你返嚟開始食返藥後，都至少食夠7日再考慮唔用安全套，咁就會比較穩陣啲啦。
至於搭飛機前食藥會唔會增加凝血機會方面，基本上就唔會因為食咗粒事前藥而好影響到你搭飛機嘅狀態嘅。但我地就唔特別建議你因為咁而早食粒藥，以免會出現唔舒服嘅情況，到時仲影響你去旅行嘅心情
1個讚
好呀 好呀，多謝你嘅回覆
我諗我到時會攞個糖盒裝住
，不過都係超驚俾人check 
最尷尬嘅係唔知點解釋