女朋友話想食藥 我覺得自己好失敗

女朋友琴日排卵,今日性行為時全程有做足安全措施,但係頂到最盡嘅時候個套穿咗,有即刻拎返出嚟,個刻冇射精但係都驚會出事。因為知道射精前會分泌前列腺液,驚會因為啲前列腺液而有bb,想請問其實機率係咪好高:pray:t2:

Hello @toi , 個套穿左,就等於安全措施失效,陰莖同分泌物有極大機會直接接觸到陰道,風險自然會高。係呢個情況下,都會建議你女朋友食番事後避孕藥。同埋,想問下安全套係咪成日都穿?如果係,可能要留意番買既尺寸合唔合適,或者係咪帶得唔好,令到安全套有較容易爛既機會。

但係分泌物入面所含有嘅精子係咪好少,應該機率會低?

仲有想知道呢個諗法正唔正確,陰莖隊穿安全套嘅時候龜頭嘅分泌物會被最頂端嘅condom抹走

Hello @toi , 糾正番,含有少量精子既分泌物叫尿道球腺液(precum),當男性性興奮嘅時候佢就會分泌。而射精前一階段既分泌物係前列腺液,係精液既一部分。雖然尿道球腺液,精子含量少,機率相對低D,但只要性器官有直接接觸,就會有意外懷孕嘅機會,除非你冇發生性行為,咁就100%唔會有懷孕風險。所以建議你可以同伴侶商量一下再決定係咪需要服食事後避孕丸啊~

陰莖整穿安全套既過程如果係係性行為既中途發生,咁其實好大機會分泌物會流入陰道內,除非你整穿既整個過程明顯地係陰道外發生,咁樣就無懷孕風險。