旅行短期避孕

同男朋友long d緊,不過兩個月後會一齊去旅行~
之前一齊嘅時候都會有sex,每次都有套同埋外射但都會好擔心有bb
今次去旅行預計我哋都會有性行為,但我唔想淨係用套,想食藥或者打針令到自己再安全啲:pray:t2:
但係我淨係想喺旅行嗰兩三個星期避孕,因為之後應該都會繼續同男朋友分開,唔會有性行為

想請問如果咁嘅情況,會建議食藥定打針定其他避孕方法?
因為見啲人用依兩種方法短期內副作用都好大,或者食一兩個月藥就停好似會對身體唔好
唔該曬!:pray:t2:

Push push​:pleading_face:

Halo 唔好意思,遲咗啲覆你:lying_face: Btw恭喜你就快有得見男朋友呀:rofl::rofl::rofl:同埋都好欣賞你係安全措施上好有準備呢!

至於有關食事前藥同打針作為避孕方法上,其實兩者都做到避孕效果,不過相對嚟講就多啲人會選擇食藥,都的確副作用嚟講係會無咁大嘅。始終食藥無打針咁直接,不過就要知道食藥好需要用家定期服用先會有效。相對而言,打針就唔洗花時間去記住食藥時間,所以各有好壞。

不過我個人建議如果都係擔心副作用,就唔好去之前先試。如果可以最後就係之前一個月都開始食,比自己有個心理準備同習慣先,同時都可以減少最初服用時會可能有啲不適。因為如果最初試食時,又揀到啱自己嘅藥,都無咩大嘅副作用嘅話,咁基本上都可以繼續食;但有部分人唔夾個個藥,就需要啲時間去試同搵啱自己嘅藥。所以我建議你都早少少就試下想用嘅方法,同埋記得先諮詢醫生嘅意見!

方法上,無論邊種都好,都係可以隨時停用嘅。不過要記得,事前藥只要一停咗藥,功效好快就會停;而避孕針就點都會持續到一個長少少嘅日子,要視乎本身係幾耐打一次,但大部分都係大概1個月。兩種都係停咁後再有無套性行為嘅,就會有意外懷孕嘅風險~

明白!唔該曬你:pleading_face: