係咪無論條線幾淺色 都已經代表懷孕？
已經25歲以上 請問家計會終止懷孕流程要幾耐？
Hello, 驗孕棒上是有分"對照線"和"檢測線"。"C"表示對照線，"T"表示檢測線。如果只有"C"顯色，表示沒有懷孕；如果"C"同"T"都顯色，表示已經懷孕；若只有"T"顯色，則表示此驗孕棒無效。所以，如果C區冇線，代表你冇完全跟足說明書嘅方法進行驗孕，驗孕無效，係需要再次驗孕。
至於如何正確驗孕？一般使用方法通常就係拆開包裝之後，將驗孕棒取尿嘅區域用尿液沾濕，要維持1-2秒確保取尿嘅區域成功沾濕，之後就根據說明書上面嘅指示等待一段時間，如果對照區出現一條線就係無懷孕，如果出現兩條線就係懷孕。如果對照區無出現任何線嘅話，有機會係驗孕棒失效呀，需要買新嘅驗孕棒做多一次。雖然驗孕棒最快可以係性行為之後7日就可以有初步結果，但係比較準確嘅時間都係預計受精時間11日之後架。同埋記住係驗孕之前唔好飲咁多水，因為會稀釋咗尿液裡面雌激素嘅比例，可能令結果唔準確架。
家計會終止懷孕流程大概如下：
- 家計會護士會系首次接見就診者嘅時候，會先問你個人病歷、進行尿液驗孕，同埋向你提供有關終止懷孕的基本資料及輔導。由於家計會認為終止懷孕係一個重要嘅決定，所以會建議就診者於初診後重新慎重考慮係咪要進行終止懷孕。
假如就診者決定終止懷孕，家計會護士將安排就診者再次約見醫生，商議及評估終止懷孕風險，同埋進行身體及盆腔檢查，以確定就診者是否適合系家計會進行終止懷孕。
留意番家計會只能夠為懷孕期系十星期內（以終止懷孕當日計算）嘅就診者提供終止懷孕服務。
-
輔導員會問咩：
輔導員嘅主要工作係為你提供情緒疏導及支援，協助你同男友溝通及討論終止懷孕嘅決定，同埋提供醫療、法例、社會服務等資源嘅資訊。如果男朋友都想接受輔導服務，亦可以向家計會求助。 -
大概需時幾耐：
需時幾耐，都好難比你一個確實時間。一般黎講，等醫生確認你可以接受終止懷孕之後，需要再排期2-3個星期，等待進行終止懷孕。
視乎你嘅懷孕週期、身體、心理狀況，醫生衡量過你終止懷孕嘅迫切度，都會影響你嘅排期次序及時間
如果家計會認為健康情況唔適合系家計會進行終止懷孕（例如長期病患者、長期服藥／個別情況），亦將會轉介去其他政府或者私家醫院
藥物終止早期懷孕及終止早期懷孕手術兩者嘅需時亦有唔同。終止早期懷孕手術（真空吸引術）手術需時約15分鐘。
- 會唔會通知／需要家長陪同：
家計會並唔會擅自聯絡你嘅家人，除非得到你嘅同意。不過相信不論你幾多歲都好，相信社工、輔導員／護士都會建議你話比屋企人知，因為始終係有風險既，屋企人知會穩陣放心好多
詳情可以睇番家計會網站資訊，或者打電話聯絡家計會青少年保健中心：
https://www.famplan.org.hk/zh/our-services/clinic-services/termination-of-pregnancy/content
但如果真係有咗就可以參考返上面嘅資料，再去做決定。
Thanks~! 但家計會打左兩日都冇人聽 留左電話冇人覆
直接walk in預約應該都可以？
Hello 如果你係26歲或以上、或者係已婚人士嘅話，係可以直接喺服務時間前往節育指導診所嘅。
如果你係25歲以上，但又未到26歲，或者未結婚嘅話，咁就要預約青少年保健服務。不過電話預約的確未必打幾次就通，所以可能要不停咁打，打多幾次，機會會大啲。另一方面，你都可以喺家計會網站選擇想預約嘅服務，然後填妥個人資料，然後遞交表格，佢哋之後都會聯絡你。
Link:
真係擔心唔知等幾耐，或者等唔切嘅話，的確係可以試吓直接踩上去Walk in問。
希望幫到你