平時冇食開避孕藥，但因為上次經期冇啦啦早左一個星期，我驚下次黎會撞正旅行，所以經期第5日就開始食優思明，諗住食到旅行完就停，延幾日經。但食左兩星期就開始有谷m既感覺，谷到好似隨時黎m咁，咁係咪正常架，我下星期就去旅行，會唔會延唔到架 
Hello
基本上你係月經頭五日服食事前避孕藥嘅話，避孕藥效就會喺身體發揮。至於能唔能夠順照你想嘅日期延遲嚟月經，呢個就唔可以準確答到你一定做到，因為如果你係第一次食嘅話，頭三個月都屬於適應期，嚟月經嘅日子，未必會喺停藥/食冇藥性藥丸嘅時候嚟，但以上情況係少部份人會出現。
另外，想問下你喺食避孕藥之前有冇諮詢過醫生嘅意見？因為如果你係第一次服用避孕藥的話，一般都會建議服用避孕藥之前，必須諮詢醫生嘅意見，等醫生評估你嘅體質／生活習慣，係咪適合服用避孕藥，或者適合服用邊一個牌子／款式嘅避孕藥 。因為每個牌子／款式嘅避孕藥內含有嘅荷爾蒙類型同埋劑量都會有唔同 ，而且唔係每一個人都適合食，有機會某部分避孕藥唔適合你嘅體質，係有機會引致嚴重嘅副作用。