小弟幾日前去完日本泡泡浴，一開始見個日本妹都有清洗下張水床，我就扒喺水床上面啦，日本妹開始用潤滑劑及自己身體以及下體磨擦我身體啦，全程陰莖無掂過，跟住就帶套口交，無射到，然後日本女就用一個洗澡球幫我洗身體，有洗埋條陰莖。
當日就覺得下腹膀胱位脹脹哋同急尿，過咗3日身體就開始感冒，請問中嘅機會率大唔大。
已經去咗社科驗尿。
現時身體狀況：感冒，膀胱位唔舒服，陰莖正常無異狀。
而家左右耳後邊生咗啲風癩，一達達咁，好驚。。。同埋條舌根位有白色毛條樣嘅嘢 幾粒咁，好似中愛滋病徵。
Hello 首先你嘅情況，中性病嘅機會係唔高嘅，唔需要太擔心。
首先，任何性病都好，都唔會喺發生個次性行為傳染時，當下就即刻出現病徵。而且性病係會有潛伏期，即係即使真係不幸感染咗性病都好，病徵都唔會咁快展露出嚟，都要等過咗潛伏期先有機會會出現，甚至可能都唔會出現。而呢啲潛伏期一般嚟講都係幾日至一星期以上，甚至可以去到以年計咁長，例如你提到愛滋病徵咁，潛伏期就係以年計嘅，唔會咁快幾日就出現。你嘅身體狀況，好大機會只係本身就有啲唔舒服，或者係心理作用影響，或者因為太過擔心而壓力太大所以出現。
其實要傳染性病，首先就係對方都要有性病，但係就唔一定因為對方係性工作者，就一定會有性病嘅。而且就算要傳染都好，都要有高風險體液（即係例如精液、尿道球腺分泌、陰道分泌、血液等等）同比較薄嘅黏膜組織（例如江門、口腔、陰道、或者傷口等）有所接觸。如果你哋進行口交嘅時候，都係有用安全套嘅話，就唔需要太擔心，基本上傳染到性病嘅風險都係極低。
當然，都有部份性病係單純接觸到皮膚就會傳染得到，例如梅毒、椰菜花、陰蝨。不過呢啲大多數都要直接接觸到對方受到感染嘅部份，例如明顯突出嘅一排肉粒等等，先至會比較有機會傳染到。
你都可以喺未來嘅日子留意吓自己性器官有冇出現一啲黃綠色嘅分泌物，或者留意吓有冇感到痕癢、或者小便灼痛嘅感覺，或者留意吓有冇出現痕癢但痛嘅肉粒，通常會係一團粒狀，好似椰菜花咁樣嘅（所以先叫做椰菜花）。呢啲都係患有唔同類型性病，可能出現嘅病徵。如果冇嘅話，都唔使太擔心。
如果真係唔放心嘅話，都可以喺嗰次性行為之後1-3個月做性病檢查。基本上一個月已經可以驗到大部份嘅性病，過咗三個月之後一切嘅性病空窗期都已經過去，如果真係有性病嘅話，做檢測嘅話都一定會驗到出嚟。
希望幫到你。
1個讚
唔該啊John ，嚟緊性行為後15日去驗好唔好呢定1個月後驗先好？
1.本身打算驗2次，分別15日驗一次，三個月再驗一次
2.第一個月驗一次，第三個月驗一次
同埋想問一樣嘢，食咗維條命去檢驗係咪對個檢測結果唔好？
正如同事所講，一個月已經可以驗到大部份嘅性病，所以可以考慮係性接觸後一個月進行檢測。而無需要在15日就去。
另外，維他命並唔影響檢測結果，如檢測前醫生有其他指示，如: 12小時空腹等，就依照做法去做檢測就可以了。
唔該coco 你哋令人安心咗好多
請問樓主檢測結果係點?最後有冇性病?