經後持續流啡性行為食左事後

你好啊!
我12/9至12/14嚟M,但到12/22仲流緊啡。
12/21性行為發現套爛左,做完3個鐘內食左事後,第一次食事後但冇咩副作用。
App顯示12/22係排卵期第一日,唔知12/21會唔會有機會懷孕:pray:t2:同埋唔知流啡流到幾時:pray:t2:唔知點算好:pray:t2:

Hello你好啊

首先,係到都想講少少事後丸係點運作嘅,事後丸含有高劑量人造荷爾蒙,透過唔同嘅途徑去緊急避孕,包括:抑制排卵、增加子宮頸黏液分泌令精子難以通過、改變子宮腔環境令受精卵難以著床,食完事後藥後嘅岀血係因為子宮內膜剝落所導致嘅,即使有排卵,都可以令受精卵跟住內膜一齊排出,避免懷孕。即係話,無論你排咗卵未,事後丸都可以有效避免懷孕嘅。再加上喺事後12小時內服用事後藥,事後丸嘅效用係97%至99%,所以避孕嘅效用係好高嘅。

見到都因為流啡好困擾,唔同原因都可能導致流啡嘅。

如果你最近精神壓力過大,都有機會導致內分泌失調嘅。而內分泌失調亦係引發月經失調的元兇之一,同時亦會導致啡色分泌物嘅出現。你可以睇醫生,再同醫生商討下可以用咩方法去調節。

另外都有可能係排卵期出血。係到都想分享下排卵期出血嘅原因,當卵巢排卵後,黃體素濃度唔足夠時,子宮內膜可能會有微量剝落,出現少量出血或咖啡色嘅分泌物,形成「排卵期出血」。 當黃體素濃度穩定之後,出血嘅狀況就會自行停止,一般維持兩至三日,血量較少,都係正常生理現象~

可以考慮喺性行為後11日進行驗孕。因為驗孕棒係透過檢測尿液中嘅hCG (人絨毛膜促性腺激素)含量,呢款激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果。而係11日驗孕結果會更加準確。

見到有安全套穿咗嘅情況岀現,有好多原因可以導致呢一個問題,例如購買左唔啱尺寸嘅安全套,或者戴反咗、安全套過期、用咗唔適合嘅潤滑或者唔夠潤滑、劑撕開包裝嘅時候太粗暴唔小心整穿咗等,都有機會造成安全套穿窿嘅情況。所以都建議可以度咗尺寸先買合適嘅安全套,至於點樣量度可以參考返以下呢個post:https://www.instagram.com/p/CNmt0RpDzpy/?igshid=YmMyMTA2M2Y%3D 6

揀啱size後,都需要正確咁戴嘅,記住要分安全套嘅正反面,可以睇佢嘅膠圈,膠圈係外面就係正面,膠圈被包圍住就係入面,戴完仲要將儲精囊嘅空氣擠出嚟。如果用潤滑劑嘅話,就唔好用油性潤滑劑喇,因為會令到安全套破裂造成精液流出。用返水性潤滑劑或矽性潤滑劑,一方面可以減低性行為時因為摩擦而帶來嘅疼痛感,另一方面都可以避免因為摩擦太過強烈而令安全套有機會破裂嘅機會。

最後都想提醒一下,事後藥係高劑量荷爾蒙嘅藥物,所以一個月經周期唔可以食多過一次,一年內最後都唔好食多過三次🫶🏻

1個讚

好啊唔該你啊!

1個讚