仲未嚟M 點算

上月20 號有親密行為,冇插冇內射 之後23號嚟M 去到12/12 時嗰個禮拜有流啡(嗰排好大壓力 有機會係內分泌失調) 上星期啲分泌物顏色開始正常返 琴日朝早用萬寧驗過 冇事,正常應該今日左右會嚟M 但仲未嚟同埋呢幾日都好似係排卵期,下面好濕

Hello~ 首先可以唔使擔心會懷孕,因為冇進行插入式性行為,懷孕嘅風險好低,而且你進行驗孕嘅時候已經距離性行為嘅日子好耐,驗孕嘅結果都已經非常準確,所以基本上可以排除懷孕嘅可能㗎啦:)

至於分泌物方面,流啡有機會係內分泌失調導致嘅排卵期出血,都係一啲頗常見嘅現象嚟,只要喺2-3日內就停止咗流啡,就唔需要擔心~

而仲未嚟M 方面,如果你早排甚至而家都有壓力大,咁遲咗嚟M都係合理嘅,因為月經係會受到好多因素影響嘅~ 如果經期維持喺35日內,都係正常範圍,如果過咗35日都未嚟,就可以考慮吓諮詢醫生嘅意見,不過呢一刻可以平靜地等待吓呢~:)