好驚有咗😣

Hello,我已經Panic咗一段時間,希望大家可以話我知應該點做好:persevere:

最後一次嚟M係今年11月20號-25號,然後26號同男朋友發生咗唔安全性行為,冇帶套,都冇內射。因為事後太驚所以27號就去咗青少年保健中心食事後避孕丸。

雖然食完之後姑娘有講過下次嚟M前避免有性行為,但今個月即係12月17號忍唔住同男朋友又有一次性行為,今次全程都有帶安全套。

但係本來今個月嘅預期Period係18號至23號,中間20號有驗孕過一次,係negative。但今日已經24號,仲未嚟M。想問呢個情況懷孕機會大唔大?:sob::weary:

Hello @芝麻湯圓 , 你嘅懷孕風險其實好低。11月個次嘅性行為,你係120小時内已經食咗事後避孕丸,已經發揮咗藥效。而12月個次又有帶安全套嘅話,分泌物同陰莖無直接接觸到陰道,咁基本上係無懷孕風險。

有好多因素會影響到經期,例如服食事後避孕丸或其他藥物、飲食及睡眠習慣、情緒壓力等都有機會影響到。如果真係好擔心既話,你可以喺性行為後11日再進行驗孕,咁就會有準確嘅結果。

我係最後一次安全性行為後的第7日同第10日都有驗孕,都係一條線,咁係唔係代表冇懷孕?

係,如果兩次都係陰性就可排除懷孕風險。因為驗孕棒係透過檢測尿液中嘅hCG (人絨毛膜促性腺激素)含量,呢個激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果,而係11日後或者預計經期嘅日子驗孕結果會更加準確。