避孕藥後嘔吐

吃事前避孕藥半個月了,一般是下午5:30吃的,今天5:30食完很吃晚飯,吃太飽所以7:30左右吐了一點點,(不是把整頓飯都吐出來那種),這個情況需要補服嗎?

Hello @RChannn , 想首先問下你嘅嘔吐係咪因為食咗事前避孕藥?你喺食避孕藥之前有冇諮詢過醫生嘅意見?因為如果你係第一次服用避孕藥的話,一般都會建議服用避孕藥之前,必須諮詢醫生嘅意見,等醫生評估你嘅體質/生活習慣,係咪適合服用避孕藥,或者適合服用邊一個牌子/款式嘅避孕藥 。因為每個牌子/款式嘅避孕藥內含有嘅荷爾蒙類型同埋劑量都會有唔同 ,有機會某部分避孕藥唔適合你嘅體質,係有機會引致嚴重嘅副作用。 避孕藥亦並非每個人都適合服用 ,一般常見唔適合食藥嘅情況,例如有心血管疾病、不規律陰道出血、體重過高等。

如果你嘅嘔吐係因為食咗事前避孕藥,咁建議你先停藥,問醫生嘅意見。如果唔係,事前避孕藥嘅荷爾蒙劑量並唔算高,加上中間只係隔左2個鐘,建議開一盒後備藥,補食一粒。

你好,嘔吐原因應該係因為食得太多:sweat_smile:,食咗2星期一直冇乜副作用的。
想問粒藥大概幾耐會吸收到嘅?因為琴日都只係嘔咗少少,都需要補食嗎?
請問如果真係一日冇食嘅話會失去藥效嗎?

因為好驚補食之後會劑量太多,同埋而家都過咗18個鐘…

的確唔知道嘔少少呢一個份量會唔會令到藥效完全失去,但只可以話有機會影響到藥效。如果真係補食嘅話,就需要睇返你食開邊一隻牌子,說明書都有講到如果漏食嘅話,需要係幾多個小時之內補食翻。