本人昨日跟女友進行第一次性行為，我們皆20歲，共有4條問題想問:
本人依正確方法戴上安全套進行性行為，如果我手觸我的陰莖，再觸摸安全套，再把安全套放入女友陰道內會有懷孕的可能嗎?(前列腺液)
本人依正確方法戴上安全套進行性行為，在性行為期間，我的陰莖軟掉，滑出陰道，這會影響安全套的功能，會有懷孕可能嗎?他是緊套我的陰莖，但卻軟掉。
本人一戴上安全套就會軟，我會否生病了?
女友第一次進行性行為，但她覺得非常痛，所以我沒有抽動我的陰莖，只是放了一半進去，有什麼方式能減輕我女友的痛苦和熟悉做愛的感覺?
Thank you.
其實你都知都前列腺液係含有精子，你嘅手掂到前列腺液，再掂到安全套表面，而該安全套又放入陰道，雖然看似導致懷孕的機會好細，但我地作為負責任嘅平台，唔可以話冇可能
單獨討論你第二個情況，你陰莖軟掉滑出陰道時，安全套仲係陰道內定係都掛係陰莖上？
3 & 4. 你都有講過依次係你地第一次性行為，所以緊張嘅情緒都會影響你哋。先講女方先，緊張或恐懼嘅情緒有機會導致女方陰道內肌肉收縮，令任何插入都會產生疼痛感覺。而女方痛嘅反應亦有可能令你都緊張埋，所以陰莖軟掉。要改善依個情況，可以係前戲方面著手多啲，由親吻、愛撫到刺激對方敏感帶，不妨問下女友或探索下身體會唔會有啲地方會敏感啲，好似耳仔、鎖骨，而女性嘅乳頭同陰蒂都係啲比較容易產生性興奮嘅點，適當嘅刺激會另對方冇咁緊張同投入性行為。你同你伴侶嘅溝通係性行為過程中非常重要，第一次唔得唔需要格硬嚟或自責㗎:relaxed:
唔知其他人有冇其他意見呢？你有補充或新疑問都可以提出㗎！
你好！ 歡迎你到糖不甩問問題呢！
1）可能性比較微，因為精子接觸到空氣會好易死亡。但有液體為載體，精子又有可能有生存機會。
2）滑出的是指陰莖吧？如果安全套是套緊你的陰莖，應該不用擔心。
3）有不同的原因都會令陰莖變軟，以戴上安全套後陰莖變軟的情況來說，不算是一種疾病。其實有不少男士都會遇上這個情況。你戴上安全套後，有什麼感覺？覺得刺激比較少，還是令你分了心？另一方面，這個情況試過幾多次？也請嘗試在下次帶安全套的時候放鬆心情，緊張的心情也是令陰莖變軟的一大原因。
4） 這方面，你們可以在前戲的時候多下功夫。例如做放鬆的氣氛、進行性行為是有足夠的愛撫等，你覺得之前的前戲做得足夠嗎？
如果唔睇你第一點個情況，都算安全
我覺得都好多前戲，錫錫同摸摸左好耐
雙方第一次都會比較緊張，所以即使前戲係足夠嘅，女方都會因為比較敏感而感到不適。試多幾次，慢慢就能夠掌握到女朋友嘅反應，而佢亦都會習慣一點點。
補充一點 應該係精子中既成分有前列腺液
而一般人肉眼所見理論上無法分清精液同前列腺液