心理影響生理

想問下如果太驚 有咗 變到有壓力,會唔會影響到生理,有啲唔舒服 有啲想嘔 就以為有咗 但驗咗幾次都negative

Halo​:frowning:都聽得你嘅擔心,係未平時都會成日有好多擔心。

其實係呀,因為影響月經嘅因素有好多種,如果精神上好大壓力或者成日都好緊張,其實都好容易會令到經期不穩定。所以你都可能要諗吓點樣令到自己冇咁緊張,或者係乜嘢令到你咁擔心等等。

因為基本上驗孕棒已經好準確,不過如果你都仲成日好擔心意外懷孕,會唔會都考慮下試用唔同嘅避孕措施?例如安全套同事前避孕藥等等,咁樣總好過你每次月經期間先擔心會唔會有咗。