好驚有左bb

女朋友7,8,9月都有食避孕藥,9月份開始停左,7月之前經期都算準,大約9月3號開始月經,10月份10月7號開始月經,但11月份去到11月16號先月經,11月份都有多次性行為而都係無做安全措施,外射,呢家12月26號女朋友都仲未黎m 身體都無其他早孕反應,亦都無乜谷m既跡象,想問下有左既機會係咪好大,定話因為停左食避孕藥令到經期唔準:pray:t2:

女朋友暫時係外地都無辦法可以驗到孕住,除左驗孕係咪無其它方法,唔想佢咁驚影響心情

Hello, 事前避孕藥停止服用3日或以上就會影響藥效,你提到伴侶停止服用3個月藥效已經消失。即使外射無係體內射精,但係陰莖性興奮時所產生嘅尿道球腺液可能含有精子,喺冇使用安全措施嘅情況下,陰莖同陰道有接觸,都會有懷孕嘅風險。

想確認一下有無懷孕嘅話,建議使用驗孕棒去驗孕,如果真係懷孕,當受精卵著床,身體就會分泌嘅一種荷爾蒙hCG,而hCG嘅分泌會隨著懷孕嘅日子增加。一般來講,性行為7日已經會有足夠嘅水平可以檢測得到初步結果,性行為11日之後就會有好準確嘅結果,你愈後嘅日子驗孕,就會因為體內嘅hCG會愈多,而愈容易得到準確嘅驗孕結果。

至於月經遲嚟都受到好多因素影響,一方面係停藥後,1至2個月內會回復自然嘅排卵及月經週期。經期會亂嘅狀況因人而異,部分人可能會經血量變多或者經期唔規律。但係一般停藥3個月後,經期就會恢復正常。另一方面係體重改變、飲食習慣改變、壓力大、服食過藥物、長期處於擔心嘅狀態等等都會導致月經遲嚟。除非月經比起平時遲咗三個星期以上都未嚟,先至需要睇醫生。

麻煩晒:pray:t2::pray:t2::pray:t2:但女朋友現時冇辦法進行驗孕,要大約兩星期後才能驗孕,現在情況下會唔會有啲乜嘢跡象?可以推斷到女朋友有冇嚟懷孕,係咪只可以等。

Hello​:ok_woman:t2:雖然好多人都會話懷孕之前有一啲症狀,但其實嗰啲懷孕前症狀並唔係所有人都會出現,所以只有驗孕棒先能夠準確知道自己有冇懷孕~

女朋友今日夜晚12點驗左啦,陰性,對上一次性生活係12月17號,無套外射,但佢仲未黎m,洗唔洗再驗?

有無人知:smiling_face_with_tear::smiling_face_with_tear:仲係好驚咁

你好~
驗孕嚟講,喺性行為後7日可以獲得初步結果,11日後就有準確結果,所以如果你女朋友有跟足指示去進行驗孕測試,已經過咗咁多日,個結果已經係準架喇~

正如同事所講,月經週期受好多因素影響,所以遲咗係唔出奇嘅~ 不過都建議之後進行性行為時使用返安全措施,咁就唔洗成日擔心懷孕喇~