仲未嚟M嘅

20/11 有親密行為 23/11 嚟M 到依家都未嚟 12/12 嗰個星期有流啡 明明驗過咁多次都冇事,但點解我仲係咁驚 搞到好大壓力又夜訓 之前冇乜點留意月經周期,所以今次預計唔到周期幾時,流完啡個一個禮拜之後,大約上星期20/12 開始有排卵期 (不過唔肯定)所以係咪我今次嚟M 都會遲

Hello 如果你係性行為之後已經嚟咗m,亦都已經驗過孕係陰性嘅話,其實就已經唔洗擔心係有懷孕。

首先如果已經嚟咗m,都代表子宮內膜已經脫落,都唔會孕育到bb,所以都代表個次嚟m之前發生嘅性行為都冇導致懷孕。另外,而家科學都好勁,驗孕技術都已經好好,所以基本上係性行為之後11日驗孕嘅結果都非常準確,亦都比身體狀況更客觀,因為身體狀況每個人都唔同,而且都可以因為太多因素而受到影響,例如你太擔心而有壓力影響咗、呢排飲食習慣改變咗,或者有時夜瞓都可以影響到。所以亦都好難答到你幾時會嚟m。不過遲嚟一兩個星期都係可接受嘅範圍,唔需要太擔心。

其實如果發生性行為之後會有咁大壓力嘅話,都要諗清楚係咪真係有心理準備發生性行為。因為相信發生性行為都係為咗得到歡愉或者滿足,如果會有咁大壓力嘅話反而會係本末倒置。

希望幫到你