想問下有冇性治療師介紹

因為男友係性事唔得,唔係好硬到
見d 人食偉哥又唔知得唔得

你好~
你介唔介意分享多少少男友嘅情況?係唔夠硬有插入困難、勃起時間較短、較難維持勃起,定係咩情況?
因為偉哥係處方藥物,唔係每個人都啱食,亦唔確定你男友係咪真係需要食~

至於性治療方面,其實可以睇專科醫生或者去家計會,佢哋會有提供相關嘅治療或服務:https://www.famplan.org.hk/zh/our-services/clinic-services/sex-therapy/content

一做好快軟

請問男友有冇自慰嘅習慣?如果有嘅話可以了解一下佢自慰嘅時候會唔會都出現呢一個情況,定係同你發生性行為嘅時候先有。因為當自己自慰嘅時候可以用最適合自己嘅速度同埋舒服程度去進行,但如果同其他人發生性行為嘅時候就有更加多嘅因素需要配合,就有機會出現平時自慰嘅時候唔會出現嘅情況。

以前有,以加都冇

咁如果用唔同嘅方式刺激(手/口/佢自行刺激等等),能唔能夠維持到硬度?同埋佢近排會唔會有啲明顯嘅壓力或者身體狀況?因為都有好多因素可以影響到軟硬度/持久度呢~