你好,本人 2/1去了一樓一,純粹 hand job,過程中小姐加左口水和潤滑液一起使用,沒有發生插入式性行為。直至 5/1 (隔了2-3日) ,尿道口在去小便後有輕微灼感、和小小痛。尿道口有極小黏性分泌物,沒有多到滴出來,用紙巾印到程淺黃色。暫時約了10/1睇醫生,會否太遲?
請問呢個會係普通尿道炎定會係淋病? 好驚、好擔心
謝謝回覆
你好～ 是咁的，非性病嘅尿道炎（非淋菌性尿道炎、衣原體感染）嘅病徵同淋病係相似嘅，除咗小便會有灼痛感同埋尿頻，兩者都會導致尿道分泌物，前者嘅分泌物會少啲又稀薄啲，後者就濃稠啲；同時前者嘅潛伏期較長，一般為7至21日，淋病就多數喺傳染後1至3天內急性發病。
以上三種情況都可以透過性行為傳播，亦都可以同時感染（非淋菌性+淋病 或 衣原體+淋病），所以其實都好難憑症狀釐清到底係邊一個組合，既然你已經準備睇醫生，就可以交由醫生或各種檢測去證實到底係出現咗邊種感染喇～
明白你可能對於有可能感染咗性病感到驚慌，但係都想話俾你知，淋病本身係嚟自細菌感染，經治療係可以完全痊癒，亦唔容易復發嘅，所以唔係會跟一世或斷唔到尾嘅事情，盡快醫治亦唔會有後續可能發生嘅併發症，所以只要你會求醫，就唔太需要擔心架喇～
至於使唔使提早睇醫生方面，如果你嘅症狀惡化或令你明顯不適，咁可能要早啲睇醫生，由於尿道炎本身嘅不適都相當明顯，亦都容易惡化，所以如果可以嘅話就盡量提早啦～
明白，謝謝回覆。我還有小小問題
1）那麼我可以理解成已經感染了性病，還是未必有關性病的尿道炎？
2）就上述性行為的情況，還會有機會感染其他性病嗎？
3）我會跟家人一起吃飯，有時有小小吃「口水尾」的情況。想問這會有機會傳染他們嗎？如果真的中了淋或其他
1）可以理解為而家尿道發緊炎，但係係咪因為感染淋病而造成就未知～
2）如果睇完醫生發現有感染到淋病，咁姐係口交嘅時候已經有高風險體液成功接觸到你陰莖嘅黏膜組織造成感染，咁就有機會喺嗰一刻同時都感染到其他性病喇～
3）如果你口部冇傷口／流血或感染症狀（例如生嘢、流膿），即使你感染咗性病都唔會能夠透過唾液傳染他人嘅，所以唔駛太擔心：）
感謝
1） 其實沒有口交，只是她用了口水當潤滑。但都明白已有危險性
2）那最壞打算，中了一種以上，是否會打一針抗生素，和口服一星期抗生素來治療？
1）明白，但係都係會有感染嘅風險，雖然唔高～
2）如果感染到由細菌造成嘅性病感染，梅毒嘅話通常會打針，淋病或衣原體通常會係口服嘅雙重抗生素藥物治療，要根據醫生指示服用整個療程～
非常感謝