避孕藥出血

Hello 我因為唔想中途嚟m 我呢兩個月連續食咗兩個月21粒裝避孕藥 共48粒 今日食完最後一粒 但我由琴日開始就流小小啡紅色血 要keep住用護墊 請問出血係咪正常 期間我同男朋友有性行為 但都冇內射 我又每一日都定時食藥 請問係咪唔到冇咩懷孕機率
另外 想問我今日停藥 之後兩至三日係咪會嚟返m 好緊張 而家去旅行都係咁諗:sob::sob: 希望可以解答一下 謝謝

Hello​:ok_woman:t2:基本上你每日有食藥,即使發生唔安全嘅性行為都唔會有意外懷孕嘅機會。但要留意嘅係因為你持續食左48粒藥,其實已經擾亂咗本身嘅月經周期,所以有機會出現唔穩定嘅出血,身體亦都需要時間去適應返你本身嘅月經周期。嚟緊呢幾日停藥,有機會來月經,亦都有機會唔嚟,你可以選擇停藥之後照原本嘅日子食翻避孕藥,亦都可以先停藥,比身體休息一下,呢方面亦都可以諮詢返醫生嘅意見~