我是男性，想知道被口交其實有幾大風險？
知道使用口交套 / 安全套一定係最佳，但都想知道無套被口交的風險有幾大，係唔同情況下都可以衡量一下，謝謝
Hello, 任何性接觸都有風險，而口交係其中一種性接觸，都有感染性病嘅風險，特別係冇做安全措施嘅性接觸，或當口腔／性器官有傷口嘅時候。
而性病主要嘅傳播途徑透過體液，例如精液、腸液、尿道球腺分泌（Pre-cum）、陰道分泌、血液，接觸過身體比較薄嘅黏膜組織，例如肛門、口腔、陰道，或者傷口就有機會傳播到病毒。
有啲性病係有機會經口交傳播的，例如梅毒、衣原體、淋病同疱疹，如果對方感染咗呢啲病菌，而且有病徵，口交都會係相對有風險嘅性接觸。
不過針對一啲透過皮膚接觸可以傳播嘅性病，例如椰菜花、皰疹等，有可能喺口交過程中唔小心整穿咗，就有感染性病嘅風險。
但無論風險高低，戴套都係一種保障自己既方法。咁就唔會咁容易擔心自己係咪感染左性病。
1個讚
被環吹後有啲擔心，有冇建議幾多日後去驗？
一般嚟講性病嘅空窗期（即係由感染到病毒量夠高，可以被檢測到嘅時間）都係3個月內，所以可以係3個月後去相關嘅醫療機構或者相關嘅NGO做返性病檢測。係做性病檢測，確定自己有冇性病之前，呢段時間就盡量唔好同任何人有任何嘅性接觸住，避免傳染到比其他人，亦都可能會影響到你性病檢測嘅結果準確性。
性病一般可以分為細菌型性病，或者係病毒型性病。前者大多數都可以完全根治，而後者大多數未有藥物可以完全根治，但可以控制病情，例如愛滋病，性病疣（椰菜花）。
以下機構做免費嘅性病測試，有需要都可以去做test：
政府社會衛生科服務診所：各類型性病檢查（較全面，能即時知結果及比藥）
關懷愛滋：25歲或以下青少年、男男性接觸者－愛滋滋病病毒／梅毒／淋病／衣原體／丙型肝炎
香港愛滋病基金會：愛滋滋病病毒／梅毒／丙型肝炎
希望以上資料可以幫到你。