每次同男朋友想試傳教士位嘅時候都唔知點解唔得，當佢入到想抽插嘅時候一定會磨到我陰道口出面連住會陰嘅嗰個位好痛，有次仲撕裂咗。但我哋每次前戲都好足夠同夠濕，亦都有上網睇點做，有擺埋枕頭但都係唔成功。亦都有試過唔係就咁平行抽插，但就係每次都會磨到，點樣先可以成功做到
Hello 明白可能你同你伴侶喺發生性行為嘅時候可能遇到啲障礙。
會發生呢個情況嘅話，有機會係你男朋友嘅陰莖太大，陰道又冇擴張到夠大，令到抽插嘅時候可能造成痛楚。如果係咁嘅話，或者就可以試吓喺用傳教士體位之前，進行咗指交先，令陰道擴張到比較大少少，會比較容易插入或者減少痛楚。
或者都可以嘗試吓額外買適當嘅潤滑劑，添加潤滑程度，都可以減少痛楚。
另外，都有可能係角度嘅問題。如果想用傳教士體位嘅話，或者可以試吓你男朋友好似做掌上壓咁嘅姿勢進行，可能都能夠減少痛楚。
如果試過以上方法都仲係唔得嘅話，就或者係未必適合用呢種體位去發生性行為啦，咁就可能要用其他嘅體位比較適合，例如男方坐住，然後女方坐喺上邊，都一樣可以面對面咁抽插。
希望幫助到你哋。