出事🤦🏼‍♂️

原本已經完全唔驚,因為事後23日驗已經冇嘢,今日喺網上一查,原來驗孕棒唔可以浸入尿液咁耐 ,之前全部都係浸20-25 sec 係咪之前嘅結果全部作廢

而家因為某啲因素冇得再驗,之前嘅結果係咪全部冇用?

你好~ 理論上驗孕棒浸泡到出現C果條線,就可以拎出嚟等結果~ 如果浸泡時間太短,結果就唔能夠作參考;如果浸泡太耐,就容易出現「偽陽性」嘅結果~ 但係因為每個品牌嘅使用方法都有差異,所以應該要參考返你用嘅產品嘅說明書,睇吓佢建議嘅浸泡時間係幾耐~ 如果你有跟足指示去進行驗孕,就唔需要擔心架喇:)

謝謝回覆,你話浸泡太久會有「偽陽性」,而我最後一次驗係23日前,結果係陰性,有冇一個可能就係本身係懷孕但係因為浸泡時間太久導致顯示陰性:pray:t2::pray:t2: ,問題有啲長,謝謝解答:pray:t2::skull:

我大概浸泡左20至25秒到,如果女方本身懷孕會唔會因為浸泡時間太長而令到結果係陰性

我都測咗六七次,係唔係全部都作廢:skull:

驗孕棒嘅原理係驗尿液入邊嘅hCG值,當佢檢測到你尿液入邊有足夠嘅hCG值,就會呈陽性反應。所以當一驗到夠高嘅話,就會變陽性。如果你本身真係有高hCG值嘅話,佢就已經會出現陽性嘅個條線,而佢嗰條線係唔會自己消失返,變成假陰性。所以浸得耐,最多會出現假陽性,而唔係假陰性。

所以其實就冇必要再驗多次。當然如果你真係擔心嘅話,都可以再按照說明書所講咁驗多次,但就記住真係要睇清楚說明書嘅指示咁去做啦。