正常粉瘤還是菜花

我三個月前發生不安性行為後,感染左細菌已癒,但而家下面又生左一粒似粉瘤的東西,不知是菜花還是其他,去衛生署問,醫生話HPV 不在檢查之列,再指示沒有此項檢查。諗緊應該點做?打算再過三個月先做一次較全面既檢查… 我有點怕接受唔到結果….

你好呀,唔好意思遲咗覆你 :smiling_face_with_tear: 聽得出你都應該好擔心面對個結果:smiling_face_with_tear:加上未知咩事,一定會好擔心了。雖然我都唔能夠就咁係呢到答到你實際係咩事,會唔會有感染,不過都可以解釋返HPV嘅病徵同治療方法。

如果係擔心由HPV所引起嘅性病疣(俗稱椰菜花),佢主要係透過性接觸感染。而一般嚟講都會係患者嘅生殖器或肛門附近生啲淡紅色菜花狀的小肉粒,而呢啲肉粒多數都會令人好痕同可能會痛嘅。所以你都可以留意下會唔會有呢啲情況出現。

雖然暫時嚟講,未有方法可以確保完全地根治到椰菜花。不過如果受到感染後,配合醫生治療嘅話,都可以令到肉粒消去。所以盡快治療都好重要,避免加劇發炎同盡快減輕痛楚~

如果你有懷疑嘅,其實可以去社會衛生科到檢查同埋進行治療,佢地基本上所有性病相關嘅病症都會治療。詳細地址可以睇以下兩個網頁,每個地區嘅開放時間都可能會有啲唔同,你都可以去之前打個電話了解吓~

男性:衞生署-診所及健康中心一覽表-提供社會衞生科(男性)服務的診所
女性:衞生署-診所及健康中心一覽表-提供社會衞生科(女性)服務的診所