性行爲隔日流啡

已經食左九至十個月Yaz,仲有十日先會食白色冇藥性藥丸。但係尋日進行性行為途中發現有少量流血,之前都有試過類似嘅情況,懷疑係因為男朋友用手指擴張嘅時候太過用力導致。今日朝早發現有少量血絲,之後就係流啡,想問呢個情況有冇其他原因可能會導致?再上一次性行為係上個星期五,(今日係星期日)期間冇漏食過藥:pray:t2:

Halo​:wave:t4:就咁聽落去,性行為期間中途出現嘅流血情況,如果只係得個時有,同埋好少量血絲,咁可能真係因為性行為太過用力而發生。

至於流啡嘅情況,你可以先留意多幾日先~有時因為精神壓力過大都有機會導致內分泌失調;而亦有機會會引發月經失調同出現啡色分泌物。另外,因為流啡有機會係月經前嘅出血情況,如果你留意咗幾日後,有正常嚟月經咁就冇太大嘅問題;相反,如果流啡情況持續好長時間嘅話,就建議去諮詢醫生意見了。