我喺1月8號開始腸胃炎，清晨6點至中午12點都一直有肚屙，而我食避孕藥嘅時間一般喺下晝3點30，而3點30後都冇再屙過。
然後1月10號早上開始有正常嘅大便，冇再肚屙，但個胃開始發炎，去咗睇醫生，過程中有同醫生講食開避孕藥，醫生表示今次開嘅藥唔會影響避孕藥。
1）想請問我咁樣需唔需要做額外嘅保護措施？（我食完避孕藥冇再肚屙或者嘔）
2）因為我食咗其他藥物，下次開藥使唔使等7日先有避孕效果？
唔該晒
Halo 
你好返啲未呀？應該都柯到好辛苦了，希望你快啲好返吧！
有關於避孕藥上，聽落基本上都無咩大問題，如果你睇醫生前都有同佢講聲你食緊嘅嘢，而佢亦都講咗唔會有影響嘅話，咁機會上都無問題，好似平時咁就可以了～
不過如果你真係好擔心嘅，咁用多額外嘅保護措施（例如安全套），咁一定唔會有大問題嘅
甚至仲好啲添！不過唔咁做都唔會對你有大影響，如果你中間無停過服用避孕藥，咁亦唔需要再等返7日，繼續食就可以了。
最緊要係醫生都清楚你情況，而佢亦開咗唔會相沖嘅藥物就得啦～