會唔會懷孕

我上一次經期係上個月20至24號 之前上個月25 26 同今個月6號都有指交 兩日前有發生過插入式性行為但全程都有用安全套 冇甩過但冇檢查有冇穿 我1月10號到而家都係有好多水狀分泌物 7號到而家都有腹脹同胸脹 但而家明明應該係就嚟m但又有好多水狀分泌物又冇異味 但係呢幾日又頭痛想嘔咁 而且體重好似增加左4kg但平時係瘦體質唔會突然增重 係唔係懷孕跡象?:smiling_face_with_tear:同埋前兩日嘅性行為會唔會有好大風險:smiling_face_with_tear:同埋之前好似都有試過月經有水狀分泌物但好似冇咁多 仲有排卵期先會咁樣

Halo​:wave:t4:有關於懷孕嘅風險上,以上述嚟睇,如果你都有全程用到安全套嘅話,咁意外懷孕嘅風險都唔高。當然,如果你仲係好擔心嘅,都可以係性行為後大概7日到用驗孕棒做一次初步檢查先,咁就安心啲~

另外見你都有啲擔心經期唔係好穩定嘅問題,因為其實每次經期前同期間嘅身體情況都可以好唔同。有時生活習慣同節奏改變,或者出現壓力等等,都有機會會影響經期嘅變動。如果以現時嚟睇,分泌物都冇出現異常問題嘅話,咁可以先再觀察多幾日先,留意吓月經有無異常~

Hello我到而家都未有月經:smiling_face_with_tear:但係有持續胸脹下腹唔舒服嘅感覺:smiling_face_with_tear:三日前因為喉嚨發炎食抗生素 會唔會影響月經?同埋呢排尿液都較黃真係好怕有咗:pensive:

Hello, 感受到你好擔心有懷孕嘅風險,正如我哋同事所講你係性行為全程使用安全套,懷孕嘅風險係極低。證明咗冇孕相信你會安心啲,要確保冇孕嘅話,最好嘅方法都係喺性行為之後7至11日買驗孕棒驗孕。7日之後驗孕已經會有初步結果, 11日之後就會有準確嘅結果。

而月經來潮,代表上一次月經周期,精子同卵子冇接觸,而冇懷孕風險。但係精子係可以喺身體入邊最長存活五日,所以如果係月經前發生唔安全性行為,個一次嘅月經並唔能夠100%肯定到係冇懷孕。驗孕棒原理係透過尿液測試激素同荷爾蒙含量,只要有受精卵(不論著床位置)就會有反應。所以如果你驗孕結果係陰性,就可以排除係懷孕。

咁月經週期嘅長度通常係28-36日,從月經第一日開始,一直到下次月經嘅前一天稱為一個月經週期。月經受到好多因素影響,例如生病、飲食、作息、荷爾蒙分泌、服藥(包括抗生素)、情緒、壓力等,所以如果月經週期浮動都係合理正常嘅情況,如果月經遲咗3星期或以上,就可以考慮睇醫生。