會陰撕裂睇邊科醫生先啱?

幾個月前開始,每次同男朋友卜野之後個會陰都會撕裂,但其實明明夠濕,之後就連潤滑劑用埋都無用。其實呢啲情況我應該睇邊科醫生先啱?同埋想平啲,仲係學生無乜錢錢:smiling_face_with_tear::smiling_face_with_tear::smiling_face_with_tear:

Halo :smiling_face_with_tear: 咁聽落去呢個情況對你地都應該幾困擾咁呢。如果係呢個情況下,都可以去家計會用佢地嘅青少年保健服務或者普通診所都可以。用家計會服務就相對價錢都唔算太貴,同埋你都可以問下有關性行為嘅問題。

甚至如果你覺得會陰部位都可以好快就自己復原嘅,咁都唔洗太擔心。因為正常嚟講,會陰部分都會自己復原。但康復期間就要小心啲,避免再有刺激嘅性行為。

另外,我就咁聽可能之後再同另一伴發生性行為時,都可以留意下會唔會係性行為太用力。又或者係會唔會前戲未夠足夠,以致未夠放鬆等等。因為有時「濕咗」又唔一定代表前戲足夠同埋夠放鬆,有時陰道肌肉太過緊張而收縮,都會出現痛楚或者你提及嘅情況~所以可能呢兩方面都留意,睇下會唔會有好轉 :pleading_face: