第一次食事前

Hello
我係第一次食事前避孕藥
喺月經第五日開始食事前避孕藥
當時月經第五日仲有經血
到月經第七日先乾淨冇血

想問少少問題

  1. 仲有經血流出代表未完經,係咪都代表未排卵?所以月經第五日時開始食避孕藥可以抑制排卵?

  2. 請問喺月經第五日開始食避孕藥嘅話,係咪即時就有避孕功效?

  3. 食足七日穩陣啲?(家計會說明書話要食七日先有效)定係需要食更多日,使唔使食十四日?

  4. 如果我停藥期來經後,再食下一包藥,係咪都要食足七日先可以有避孕效果?

感謝幫忙及回答

Sorry仲想問

避孕藥原理係抑制排卵,令我唔會排卵達到避孕效果

我依家服用緊,好似仲有以前排卵期嘅反應(感覺到分泌物,胸部脹痛),請問呢啲係藥物失效,定係藥帶來嘅少少副作用?

主要有少少唔明,如果服藥令我唔會排卵,應該唔會以前排卵期咁,會感覺到分泌物/分泌物變多?

答返你問題,首先排卵期同月經係係衝突既,即係有機會兩個時間係重疊,但又唔一定每次都有機會同時間發生,所以係唔關事既。而且避孕藥並唔係一食就即時有效,避孕功效係要慢慢建立的。

食藥初期,如果你係月經頭5日內開始食,咁就7日內都用返安全套;如果5日後食,就14日內都用返安全套就好。如剛才所講,避孕功效係需要時間慢慢建立的。

見上題

係,因為停左藥。所以每次重新服食都要係頭7至14日性行為時做足其他安全措施就最安全。

呢d應該係副作用黎,唔使擔心,因為你初次服用避孕藥所以係需要有適應期,同時你要知道避孕藥係以賀爾蒙既方式抑制排卵,但身體仍然會以為有排卵的,所以先會有如常定期排出經血,所以即使服食避孕藥係仍然會有平時既周期既生理反應。

感謝你

如果我指嘅停藥期只係食完21粒避孕藥後,要停藥7日,之後再開一包新嘅21粒裝避孕藥食嘅話,請問係咪都最好食夠七日先可以確定唔會排卵?

呢個藥物與藥物間七日嘅停服期時,請問就唔會有藥效確保身體唔會排卵嗎?

仲想問如果我食吃遲咗一個鐘嘅話會唔會影響藥效?
食緊安意避,我唔太清楚係單一定係混合荷爾蒙藥

Hello @youp , 食遲左一個鐘基本上問題不太,最重要係唔好漏左食。安意避係混合荷爾蒙藥,含有人造雌激素及黃體素。

仲想問一下,
如果啱啱食完食物同藥,之後好快(冇三個鐘)就想大便,但係唔係腹瀉嘅稀爛大便
咁樣會唔會影響藥效?需唔需要再服用?

呢個情況都冇問題呀,係唔會影響藥效,唔需要因為咁而再食多次藥

Hello想再問一下
食緊21粒裝嘅安意避,服完21粒要停7日,再開下一包
會keep住開下一包食

請問停嘅7日需要做額外避孕措施嗎?
需要做額外避孕措施持續到下一包再食七日嗎?
停藥+開新嘅尼14日係咪都需要額外避孕措施?

Hello, 第一題同第二題一齊答你,每個月都有keep住定時食避孕藥,身體就會建立一定避孕功效。雖然有7粒藥係冇藥效嘅,但避孕藥嘅藥效依然會係個7日繼續發揮。所以服用無藥效藥丸期間可以唔做額外避孕措施。不過想更加保險提高避孕效果,都可以配合額外避孕措施咁就可以預防埋性病更加安心啦。

第三題來講,停藥之後重新服用避孕藥,因為要俾身體適應藥物同建立返避孕功效,所以服用藥物頭7日發生性行為係需要使用額外避孕措施,靠額外避孕措施去避孕。如果想更加穩陣就建議服藥頭14日都做額外安全措施。

謝謝
因為我尼個月先開始食避孕藥(諗住之後都會keep住食)
明白食完21粒後可能要過多兩三日先會尼m

如果過多幾日都冇尼m係咪需要盡快去複診?

我食嘅安意避只有21粒,直頭冇7粒冇藥效嘅藥
姑娘之前叫我自己mark住7日後再開下一包新藥食

尼個其實算唔算係停藥期?
因為之後我都會keep住食藥,但身體係咪都唔會有建立長期避孕作用?
我係咪每個月重新服用嘅頭七日都要使用額外避孕措施?

想問埋
我係第一個月食避孕藥
啱啱食完安意避嘅21粒 要隔7日先可以再開下一包藥食
咁啱啱完成嘅21粒嘅藥效,係咪可以保障埋冇得食藥嘅尼七日都唔會排卵,亦唔會懷孕?

Hello 正常情況就應該會係呢7日嚟M嘅,不過第一個月食避孕藥都有機會遲幾日都係正常(不過都唔一定係會有呢個情況,始終因人而異),你可以留意咗到時情況係點先,再決定需唔需要睇醫生。

而只要你有每日準時食,咁呢個7日嘅停藥期係都會有足夠嘅避孕功效,唔需要特別做安全措施。21+7為之一個周期,只要你係一個周期接一個周期,就係ok㗎啦。除非你一個周期之後,又斷咗一段時間,先再21+7咁食,咁就係要再做7日額外嘅安全措施啦。

希望幫到你