hi
星期二 (16/1)有同女朋友sex
全程有戴套+拔出陰道先射係套內
事後有check過保險套冇穿冇脫落
但係前戲嘅時候 女朋友有用手掂陰莖根部+口交龜頭位置
之後先再幫手戴套
想問咁樣會唔會令手掂到前列腺液然後hi到上保險套度 令避孕措施失效？（第一個問題）
然後今日(19/1)sex嘅時候 自己有用手掂陰莖令自己硬返先戴套 唔確定有冇掂到前列腺液
戴完套都再有用手握住被condom包住嘅陰莖整返硬
成個過程大概8-10分鐘之後 先入去陰道
事後都有check過保險套冇穿冇脫落
但想問咁樣會唔會令前列腺液嘅精子附著住condom入去子宫 導致懷孕？(第二個問題）
個心都好唔定 因為見網上話精子喺空氣中幾分鐘就會死亡 但又見人哋話前列腺液中嘅精子都會導致懷孕
而家個心都驚驚地 唔知懷孕風險大唔大
你好～
你講嘅「網上話精子喺空氣中幾分鐘就會死亡」係啱嘅，而「前列腺液中嘅精子都會導致懷孕」只要替換返做「尿道球腺液」（陰莖勃起後、射精前會分泌嘅液體）都係啱嘅！你可能會覺得好矛盾，但其實係要睇返實際情況，例如精子有冇接觸到其他物料、有冇物料吸乾咗佢移動嘅媒介、暴露咗喺空氣幾耐等等～
睇返你嘅情況1，如果有掂到喺龜頭分泌嘅尿道球腺液，然後hi咗上保險套，旋即就插入陰道，咁前列腺液入面嘅精子喺濕潤嘅情況下係冇咁快死亡，姐係話能夠維持在生嘅狀態進入陰道，咁就會有一定嘅懷孕風險喇～
而情況2，如果你手有掂到尿道球腺液，然後又掂咗落保險套表面，係有可能令到精子附住保險套進入陰道嘅～你可能掂到去到插入之間過咗8-10分鐘，咁係會有比較多空間去比精子死亡，但如果維持濕潤嘅狀態，精子係可以生存耐啲的，所以風險會比情況1低，但都唔係0風險㗎～
所以如果想確保安全措施有效，可以參考以下呢一個post：糖不甩 Sticky Rice Love on Instagram ，咁就唔使每次都擔心喇～
咁今次懷孕風險大嗎？好驚