食抗生素避孕藥

最近因為感冒去咗睇醫生,醫生話會開抗生素喺情況嚴重咗之後食,醫生都表示今個cycle都要做額外嘅保護措施。
我想請問如果去到下個cycle需唔需要食7日等避孕藥重新有藥效?本身已經食咗10個月避孕藥。

同埋都想問下避孕藥唔可以同咩藥一齊食?除咗抗生素,平時嘅必理痛或者止鼻水、咳藥水會唔會都有影響?

Hello你好啊
見到醫生都建議今個週期要使用額外嘅保護措施,都想了解下成個抗生素療程嘅長度,通常都建議療程完咗後七日都要繼續使用額外保護措施,所以你都可以睇下抗生素治療嘅時間啦,如果都係今個週期以內嘅,咁都唔需要再等7日嘅。

因為市面有好多唔同嘅藥啦,好難就住每一款藥回應嘅,不過都建議錯開食藥嘅時間,同埋睇醫生時就可以同醫生講你食避孕藥嘅情況,由醫生判斷藥物對避孕藥嘅影響,咁就唔駛太擔心:smiling_face:

明白,我今個月都會做額外嘅保護措施,咁想請問下個月開始食藥嘅時候需唔需要重新等7日等避孕藥產生藥效呢?

由於唔知你需要食抗生素到幾時,你可以喺服食完抗生素療程之後,起碼預留7日時間去建立返藥效吖~ 如果你想安全啲,可以比夠14日時間佢去建立返藥效,再此之前都使用額外安全措施,咁就萬無一失喇:)

你好吖,我到最後都冇食到抗生素就已經好返,至於其他藥都係消炎止咳水或者止鼻水嘅藥,醫生都只係話如果食咗抗生素就要做好安全措施,但就話其他藥冇咩影響,,咁我冇食到抗生素係咪就唔需要太擔心有意外風險?:face_holding_back_tears:

Hello, 你已經服用咗10個月避孕藥,身體已經建立咗穩定嘅避孕功效,係食感冒藥期間有持續如常服用避孕藥,避孕功效係有持續到嘅,所以唔會有懷孕風險。